Salomoni úsïndi templuni

ANTE de Dabidi uarhini, arhisïndi Salomonini eska Jeoba uékasïnga eskaksï templu ma úkuaka. Salomoni tʼámu uéxurhini ísï juramuxaptia enga uénajka úni templuni, ka siete uéxurhini ka terojkani jimbo kʼamakusïndi. Mili jimboksï achaticha ánchikuarhisïndi paraksï úni templuni, uánikua tumina úrakuarhisïndi jimboka kánikua oru ka plata pásïnga.

Ka i templu tsimani xarhati kuartuechani jukaasti eska na jukapka tabernakulu. Peruksï tsimani uelta sánderu kʼésti. Ka Salomoni úsïndi eska arka pakatperakuerini imani kuartuni jimboksï jatsiaka enga sánderu incharini jaka.

Kʼéri ma kʼuínchikuaksï úsïndi enga templu kʼamakunhajkia únhani. Salomoni templurhu orhepatini tinguixurhisïndi ka kómarhikua ma úsïndi eskari na exejka. Salomoni ísï arhisïndi Jeobani: ‘Auandecha sánisï ambejkuesti para tʼu jima irekani’, ‘jimajkani, ¿nénari uá irekani ini templuni jimbo? Peru juchiti Tata Diosï, kómarhisïngakini eskari kurhauaka chíti iretani engaksïni ixuani ísï eraaparini kómarhiaka’.

Enga Salomoni kʼamarajka imeri kómarhikuani, chʼipiri uekorhisïndi auandarhu uératini. Ka kurhiraasïndi animalichani engaksï kéjtsïtani japka. Tátsekua Jeoba iámu templuni tʼíntskasïndi. I ambe, xarhatasïndi eska Jeoba kurhaaxaka, ka eska tsípixaka templuni jimbo ka Salomoniri kómarhikuani jimbo. Iásï ireta jatsisti para templurhu nirani kómarhini ka nóteru tabernakuluria.

Salomoni uánikua uéxurhini jánhaskua jingoni juramusïndi ka kʼuiripu kánikua tsípisïndi. Peru Salomoni tembuchasïndi uánikua uarhiti máteru paisi anapuechani jingoni engaksï no kómarhijka Jeobani. ¿Úsïniri exeni ma indeni uarhitini enga diosï no jurhimbitini kómarhini jaka? Tátsekua íksï úsïndi eska Salomoni máteru diosïchani kómarhiauaka. ¿Mítiskiri ambe úkuarhesïni iásï? Salomoni no sési kámpisïndi ka ireta nóteru tsípisïndia.

Ini ambe jimbo, Jeoba kánikua ikiasïndi Salomonini jingoni, ka arhisïndi: ‘Euantakakini juramukuani, ka máteruni íntskuaka. No uáka i ambe chíti irekakuarhu, sino jiájkani enga chíti uájpa juramuni jauaka. Peru no euantaka iámu juramukua chíti uájpaniʼ. Ju exeni néna úkuarhesïni i ambe.