Jorhenguarhikua 3
¿Néski tatá Jesúkristu?
¿Andisïksï Jesúsini arhijki eska ima orheta uájpeska Tatá Diosïri? (1)
¿Andisï arhinhajki «Uandakua»? (1)
¿Jesúsi andisï júpi parhakpinirhu eska kʼuiripu ma? (2-4)
¿Andisï uápi milagruechani? (5)
¿Nóteru ióndani ambe uá Jesúsi? (6)
1. Enga Jesúsi nótki jurhemga parhakpinirhu, auandarhu irékaspti eska espíritu ma. Tatá Diosï imani orheta kueraspti; ísï jimbosï arhinhajti orheta Uájpa Tatá Diosïri (Kolosasi 1:15; Jaŋaskuecha 3:14). Jesúsijku jindesti Uájpa enga Tatá Diosï jandiajkumindu kuerapka. Enga Jesúsi auandarhu irékapka, Tatá Jeobá úraspti eska imeri «ánchikuarhiri janhaskati» para jarhoatani kuerani iámindu máteru ambe, auandarhu ka parhakpinirhu (Proverbios 8:22-31; Ebreu 1:2). Ístu Tatá Diosï úrasti Jesúsini eska imeri sánderu kʼéri uandakua pári. Ísï jimbosï Jesúsi arhinhajti «Uandakua» (Juanu 1:1-3; Jaŋaskuecha 19:13).
2. Tatá Diosï axasti imeri Uájpani parhakpinirhu, péraparini Jesúsiri tsípikuani Mariaueri matrisirhu. Jesúsi no jatsipti ma táti jémbani parhakpinirhu anapu; ísï jimbosï no andajpinupti kʼamanharhintskua jingoni. Tatá Diosï axaspti Jesúsini ixu parhakpinirhu tanimu ambe jimbo: 1) parajtsïni jorhendani jurhimbikua Tatá Diosïri ambe (Juanu 18:37), 2) para xarhatani jurhimbikua iámindu imeri tsípikuarhu ka ísïjtsïni íntskuni eranhikua ma para jucha májkueni jámani (1 Pedru 2:21) ka 3) para íntspeni imeri tsípekuani ka ísïjtsïni euajpintani kʼamanharhintskuarhu ka uarhikuarhu. ¿Andisï uétarhini eska ima uarhipiringa? (Mateu 20:28.)
3. Enga Adáni, orheta anapu achati, no kurhajchapka Tatá Diosïri juramukuani, úspti imani enga Biblia arhijka «kʼamanharhintskua». Ísï jimbosï, Tatá Diosï arhipti eska niárapiringa uarhini (Génesis 3:17-19). Ka jimboka no kurhajchaspka Tatá Diosïri juramukuechani, kʼamanharhintsti úkuarhispti. Úndaspti tʼarhepini, ka tátsekua uarhispti. Adáni kéritaspti kʼamanharhintskua iámindu imeri uájpechani. Ísï jimbosï juchajtu tʼarhepijka, pʼamenchani ka uarhini. ¿Néna úpirini euajpinhantani kʼuiripuechani? (Roma 3:23; 5:12.)
4. Jesúsi pímbinhasïspti ísï eska Adáni náepka uénakuarhu. Joperu Jesúsi méntkisï kurhajchaspti Tatá Diosïni najkiruka jatsipka sánderu kʼéri tsʼéjkukua ma. Ísï jimbo, úpirindi íntspeni imeri pímbinhasï tsípekuani para maiampeni Adániri kʼamanharhintskuani. Biblia uandasïndi eska inde úkua arhinhasïnga euajpintskua. Ísïksï úpirindi Adániri uájpecha euajpinhantani uarhikuarhu. Iáminduecha engaksï Jesúsini jakajkujka uátiksï puáminhantani imeri kʼamanharhintskuechani ka jatsini tsípekua para méntkisï (1 Timoteo 2:5, 6; Juanu 3:16; Roma 5:18, 19).
5. Enga Jesúsi Echerirhu jápka, tsinaspti ka tʼireraspti kʼuiripuechani ka anhaxutaspti kʼérati janikuechani ka uarhirichani jamberi tsítantaspti. ¿Andisï uápi milagruechani? 1) Jimboka pʼamojkuasïremga kʼuiripuechani engaksï kómu nitamani jarhenga ka uékasïremti jarhoatani. 2) Imeri milagruecha, xarhataspti eska Tatá Diosïri uájpespka. 3) Ima milagruecha, xarhataspti ambe enga ima uáka imechani jimbo engaksï kurhajchajka enga juramuni jauakia parhakpinirhu (Mateu 14:14; Markusʌ 2:10-12; Juanu 5:28, 29).
6. Jesúsi uarhispti, ka tátsekua Tatá Diosï tsítantaspti eska espíritu ma ka kʼuanhatsentaspti auandarhu (1 Pedru 3:18). Tatá Diosï Juramuti úspti Jesúsini, ka no ióni jimbo Jesúsi kʼamatati iámindu no sési jásï ambeni ka kómu nitamakuechani engaksï parhakpinirhu jaka (Salmo 37:9-11; Proverbios 2:21, 22).
[Ilustrasioni pájina 7 anapu]
Imeri eianhperakuarhu, Jesúsi jorhentpespti, uáspti milagruechani, ka uarhispti juchantsïni jimbo