¿Nénaespi irekakua Paraisurhu?

Jeoba uánikua ambakiti ambe íntskuaspti Adani ka Ebani (Génesis 1:28)

Jeoba kueraaspti Ebani, primeru uarhitini, ka íntskuspti Adanini para imeri témbaeni (Génesis 2:21, 22).

Jeoba, kuerauaspti ambakiti eratsikua ka ambakiti kuerpu ma jingoni, ka nóksï ma pekadu jukaraspti.

Imaksï Edenirhu irekaspti, jima kánikua sési jándespti, jarhasptiksï anhatapuecha, ka animalicha ka ambakiti itsï iorhesïrendi.

Jeoba uandajpaasïrendi ka arhistakuasïrendi ambe ma. Engaksï kurhajchapiringa, úpirindiksï paraisurhu irekani para méntkisï.

Tata Diosï arhiaspti eskaksï no akupiringa anhatapueri frutani ma (Génesis 2:16, 17)

Jardinirhu, Jeoba anhatapu ma exeraaspti Adani ka Ebani ka arhiaspti eskaksï no jámapiringa akuni, jimbokaksï uarhipiringa.

Ánjili ma, nóteru uékasptia kurhajchani Tata Diosïni. Ima ánjili no sési úri jindesti Satanasi No Ambakiti.

Satanasi no uékasïrendi eskaksï Adani ka Eba kurhajchapiringa Jeobani. Jimbosï akuitsini ma úrapti para arhini Ebani eska apiringa frutani enga Jeoba arhiapka eskaksï no apiringa, ka arhispti eska no uarhipiringa ka eska ísïpiringa eska Tata Diosï. ¡Peru chikuanderakuxapti! (Génesis 3:1-5.)