Dilubiurhu: ¿néksï kurhajchaspi Tata Diosïni?

Jiáni enga Noe irekapka, kánikua no sési jánhasïrendi (Génesis 6:5)

Adani ka Eba kánguarhiasptiksï sapichani, ka niárasptiksï uánikueni ixú Echerirhu. Sánderu orhepatini, máru ánjilichaksï niáraspti Satanasini jingoni úkuarhini.

Jurhasptiksï echerirhu ka kʼuiripuksï úkuarhintaspti paraksï uátsïchani tembuani. Ka kánguarhiasptiksï uájpechani, engaksï kánikua uinhapipka ka engaksï no sési kámpiaenga.

Parhakpini uinisptia no sési úrichani jingoni. Biblia uandasïndi eska “kánikuespka kʼuiripuecheri no sési úkuecha” ka eskaksï méntkisï eratsini jarhasïrenga no sési jásï ambe úni.

Noe kurhajchaspti Tata Diosïni ka úspti arka ma (Génesis 6:13, 14, 18, 19, 22)

Noe ambakiti kʼuiripuespti. Jeoba eianguspti Noeni eska uinhamu janirapiringa para kʼamajkuani no sési úrichani.

Tata Diosï arhispti Noeni eska kʼéri barku ma úpiringa, ka i arhinhapirindi arka, ka arhispti eska jima incharapiringa imeri familiani ka mámaru jásï animalichani.

Noe aianguspti kʼuiripuni eska dilubiu ma jupiringa, peru imechaksï no jakajkuspti. Máruksï teresmarhusti ka máteruechaksï kánikua ikiakusti.

Enga Noe kʼamakupkia arkani úni, jima incharaaspti animalichani.