PARTI 8

¿Andisï uarhi Jesusi?

Jesusi uarhisti para jucha úni irekani para méntkisï (Juanu 3:16)

Uarhiitichaksï máru exexati Jesusiri tumbani enga nóteru ambe ma jakaia

Tanimu jurhiatikua tátsekua enga Jesusi uarhipkia, máru uarhitichaksï niraspti jima enga Jesusi jatsinhapka, peru nóteru jarhasptia. Jeoba tsítantasptia Jesusini.

Jesusi xarhakuasïndi imeri apostulichani ka tátsekua karhanchintasïndi auandarhu

Tátsekua, Jesusi xarhakuaspti imeri apostulichani.

Jo, Jeoba tsítantasti Jesusini komueska espiritu uinhapiti ma, ka nóteru méni uarhiatia. Jesusiri jorhenguarhitichaksï exespti enga Jesusi níntapka auandarhu.

Tata Diosï tsítantasti Jesusini ka juramuti ústi imeri Gobiernurhu (Daniel 7:13, 14)

Imeri tronurhu uératini enga juramuni jaka, Jesusi juramukuauati kʼuiripuechani paraisurhu ma ixú echerirhu

Jesusi uarhisti parajtsïni euajpintani pekadurhu ka uarhikuarhu (Mateu 20:28). Jesusiri uarhikuani jimbo, Tata Diosï uáti eskachi irekaka para méntkisï.

Jeoba, Jesusini erakusti para juramuni Echerirhu, auandarhu uératini. Ka imani jingoni, 144,000 kʼuiripuechaksï juramuati, íksï ambakiti kʼuiripuecha tsíntaati paraksï auandarhu nirani irekani. Ka Jesusi ka i 144,000 jurhimbikua jingonksï juramuati Tata Diosïri Gobiernurhu (Jaŋaskuecha [Apocalipsis]14:1-3).

Tata Diosïri Gobiernu, paraisu ma úntati ini Echeri. Ka nóteru jauatia uarhiperakuecha, atajperakuecha, kʼarhingua ka no nema kueratanchati ambe ma. Kʼuiripu kánikua tsípikua jingoni irekati (Salmo 145:16).