BIBLIOTEKA INTERNETIRHU Watchtower
Watchtower
BIBLIOTEKA INTERNETIRHU
Purépecha
  • BIBLIA
  • PUBLIKASIONIICHA
  • TÁNGUARHIKUECHA
  • jl jorhenguarhikua 9 jorhenguarhikueri
  • ¿Nénajtsï uá sánderu sési prepararikuarini para tánguarhikuecharhu?

No jarhasti bideu ixú.

Tekaachentajtsïni je, no sési uérasti ambe ma bideu jingoni.

  • ¿Nénajtsï uá sánderu sési prepararikuarini para tánguarhikuecharhu?
  • ¿Néksï úxaki iásï ambe enga Jeoba uékajka?
  • Sánderu ambe enga íri ambe uandajka
  • Ju je kʼéri ambe arhini Jeobani kúnguarhikuarhu
    Aianhpiri enga Jeobaeri Reinueri ambe Uandantajka (estudiu) 2019
  • Ju je uinhaperperantani tánguarhikuecharhu
    Aianhpiri enga Jeobaeri Reinueri ambe Uandantajka (estudiu) 2023
  • Jorhenguarhi je néna sánderu sési aianhpeni: Jorhenda je chári estudiantini prepararikuarhini
    Kristianuecheri Irekua ka Aianhpikua—Programa para ánchikuarhini tánguarhikuarhu (2018)
¿Néksï úxaki iásï ambe enga Jeoba uékajka?
jl jorhenguarhikua 9 jorhenguarhikueri

JORHENGUARHIKUA 9

¿Nénajtsï uá sánderu sési prepararikuarini para tánguarhikuecharhu?

Jeobaeri testigu ma prepararikuarhixati para tánguarhikua

Camboya

Jeobaeri testigu ma prepararikuarhixati para tánguarhikua
Jeobaeri testigu ma uandaxati tánguarhikuarhu ambe enga prepararika

Ucrania

Engajtsï jorhenguarhini jaka Bibliaeri ambe Jeobaeri testiguni ma jingoni, seguruchi jarhaska eskajtsï sési prepararikuarisïnga imani ambe jingoni engajtsï mándani semani exejka. Parajtsï sánderu kókuani mítini ambe enga Biblia uandajka, ístu uétarhisïndi májkueni úni tánguarhikuechani jingoni. Peru parajtsï úni méntkisï sési prepararikuarini, uétarhisïndi programa ma jatsini.

Eratsinta je nani ka na jatintsï uá prepararikuarini. ¿Na jatintsï uá sánderu sési prepararikuarini? ¿Xarhintku, ante de uénantsï ánchikuarhini, o chúrikua, engaksï chári sapicha kʼuíakia? Engajtsï no kánikua tiempu jatsiaka, uákajtsï eratsintani na xántsï tiempu úra parajtsï prepararikuarini, ka asï jurajku je eskaksïni ambe ma ójkutaaka parajtsï no prepararikuarini. Jirinha je nani engajtsï uáka sési prepararikuarini, páta je radiuni, telebisionini ka telefununi. Engajtsï uénaaka prepararikuarini, kómarhi je Jeobani parajtsï mirikurhiani uandanhiatechani ka parajtsï Tata Diosïri Karakatanku eratsini jarhani (Filipusʌ 4:6, 7).

Kuirunharhikua je uandakuechani engaksï sánderu jukaparhakueka ka listu ja je parajtsï mókuntskua ma íntspini. Exe je orheta ambesï jorhentpejki iámu tema. Exe je títuluni, exe je na engaksï subtemecha újka eskachi kurhanguaka temani, exea je dibujuechani, ka arhianta je kurhamarhikuechani engaksï jindeka para miántskua ma úni, jimbokaksï i jindeska engajtsïni arhijka ambechisï jorhenguarhia indeni tema jimbo. Tátsekua, arhianta je párrafuechani, ka jánguarhi je exeantani mándani párrafurhu anapu mókuntskuechani. Jirinhaanta je Bibliarhu textuechani, ka jánguarhinta je exeni nénaksï xarhatasïni inde textuecha eska Bibliarhu pʼitakateska tema engajtsï jorhenguarhini jaka (Ukuecha 17:11). Engajtsï exentaakia mókuntskuani, kuirunharhiku je o ístu kuirunharhikua je uandakuechani engaksïni jarhuataaka miántani mókuntskuani. Ka tánguarhikuarhu, uákajtsï jájki tarhatani ka mókuntskua ma íntspeni chári uandakuechani jingoni.

Exeparini ambe engajtsï jorhenguarhiaka mándani semana tánguarhikuecharhu, uákajtsï sánderu jánhaskani ambe enga Biblia jorhentpejka (Mateu 13:51, 52).

  • ¿Nénajtsï uá programa ma úni, parajtsï sési prepararikuarini tánguarhikuechani jingoni?

  • ¿Nénajtsï uá prepararikuarini parajtsï mókuntskua ma íntspeni tánguarhikuecharhu?

PARAJTSÏ SÁNDERU MÍTINI

Úparini eska na uandajka ixú karhakua, prepararikuari je Jorhenguarhikua La Atalaya jingoni o para Bibliaeri Jorhenguarhikua Kúnguarhikua jingoni. Arhi je imani engaksïni jorhendani jaka Bibliaeri ambe, eskaksïni jarhuataaka parajtsï mókuntskua ma íntspeni i semana tánguarhikuarhu.

    Publikasionicha pʼurhe jimbo (2006-2025)
    Míkantani juchiiti kuentani
    Inchani kuentarhu
    • Purépecha
    • Axakuni nemani
    • Ambe engani sánderu tsitijka
    • Copyright © 2025 Watch Tower Bible and Tract Society of Pennsylvania
    • Néna úrani pájinani ka ambe jarhaski
    • Na enga úrakuarhijka chaari informasioni
    • Mójtaku je ambe engajtsï uéjka eska úrakuarhiaka chaari iformasioniiri
    • JW.ORG
    • Inchani kuentarhu
    Axakuni nemani