¿Tata Diosïski enga eiatspijka ini ambakiti ambe?

1. ¿Né kararkuarhiski Bibliani?

Ma ambakiti ambe enga Bibliarhu jaka, jindesti eska kʼuiripu irekaaka para méntkisï ixú Echerirhu (Salmo 37:29). Biblia 66 libru sapiratichani jukanharhiasti. Tata Diosï úraasti 40 achaatichanisï engaksï sési marhuakuni japka, parakaksï karapiringa Bibliani. Orheta sinku libruechani, Moisesi karaasti ka tresmili kinientusi uéxurhini ísïstia enga karaaka. Ka ultimu libruni, apostuli Juanu karasti ka mili nobesientusi uéxurhini nitamastia. Imaksï engaksï karaka Bibliani, ¿neeri eratsikuechanksï karaaski? Tata Diosï úrasti imeri espiritu santuni para arhiani ambe engaksï karapiringa (2 Samuel 23:2). Karaasptiksï Tata Diosïri eratsikuechani ka no imecheri eratsikuechani. Ísï jimbo, Jeobasï kararkuarhiti Bibliani. Arhinta je 2 Timoteo 3:16 ka 2 Pedru 1:20, 21.

Exe je bideuni ¿Né kararkuarhiski Bibliani?

2. ¿Andichisï uá mintsikani eska jurhimbitiska ambe enga Biblia uandajka?

Jucha mítiska eska Biblia, Tata Diosïriska jimboka imajkusï újka uandani iámindu ambe enga úkuarhiaka. No ma kʼuiripu úpirindi úni i ambe (Josué 23:14). Tata Diosï Jeobajkusï újti mítini iámindu ambe. Arhinta je Isaías 42:9 ka 46:10.

Erokuarhipiringachi eska libru ma enga Tata Diosïrika kánikua ambakitipiringa, ¿no ísïski? Biblia uánikua idiomechani jimbo etsakuarhixati ka miioni jimboksï únhaxati. Nájkiruka iónikia enga karakuarhika, sési terokuntasïndi ima ambe jingoni engaksï sientifikuecha mítika. Ka nájkirukaksï 40 kʼuiripuepka engaksï karaka, iámu ambe sési terokuntasïndi.a Biblia xarhatasïndi Tata Diosïri uékperakuani, ka jarhuatasïndijtsïni parachi úni sési irekani. I ambesï jakajkutarajti uánikuechani eska Biblia, Tata Diosïri Uandakueska. Arhinta je 1 Tesalonika 2:13.

Exe je bideuni ¿Andichisï uá mintsikani eska Biblia jurhimbitku uandasïnga?

3. ¿Ambe uandasïni Biblia?

Ma ambe enga Biblia sánderu uandajka, jindesti ima ambakiti ambe enga Tata Diosï uaaka sánderu orhepatini para kʼuiripuecha. Biblia uandantasïndi na enga kʼuiripu tsïtakuarhika sésikuani para irekani paraisu ma jimbo ixú echerirhu, peru ístu uandasïndi na enga Echeri paraisu ma úkuarhintaaka. Arhinta je Jaŋaskuecha (Apocalipsis) 21:4, 5.

Tata Diosïri Karakata jukanharhiasti juramukuechani ka uánikua ambe engajtsïni uáka jarhuatani. Ka xarhatasïndi na enga kámpijka Jeoba. Ini ambe jimbochi úsïnga exeni na enga jásïka Jeoba. Bibliaksïni jarhuataati parajtsï mítini Jeobani ka arhiatiksïni nénajtsï uá imeri amigueni. Arhinta je Salmo 19:7, 11; Santiagu 2:23, ka 4:8.

4. ¿Nénajtsï uá cha kurhanguni Bibliani?

I foietuksïni jarhuataati parajtsï kurhanguni Bibliani, engajtsï úska ísï eska Jesusi na jorhentpipka. Jesusi orheta úrasïrendi ma o tsimani textu ísï ka tátsekua jarhuajpisïrendi astakaksï “úpiringa jánhaskaani karakatechani”. Arhinta je Lukasʌ 24:27, 45.

No ma jarhasti sánderu ambakiti ambe, eska i ambe enga Tata Diosï eiatspijka. Peru uánikuaksï no uékasïndi mítini ini ambe, ka máruksï niárasïndi jamberi ikiani. Peru asï kuatanta je, miá je eska parajtsï úni jatsini tsípikua para méntkisï, jatsiskajtsï para mítini Tata Diosïni. Arhinta je Juanu 17:3.