Tata Diosï kueraasïndi auandani ka echerini

Jeoba jindesti juchari Kuerajpiri. Ima ústi iámu ambe engachi exejka ka engachi no exejka. Ante de úni imani ambe engachi újka exeni, tʼuini uásptia uánikua ánjilichani. ¿Mítiskiri ambeskiksï ánjilicha? Kʼuiripuechestiksï enga Jeoba uáka ka engaksï imeni járhaka. Juchachi no úsïnga exeni Jeobani, ni ánjilichani. Primeru ánjili enga Jeoba kueraaka niáraspti imeri jarhuajpiriini. Ima jarhuataspti Jeobani kueraauani estreiechani, planetechani ka iámindu máteru ambe. Juchachi planetarhu ma irekaska, i Echeri enga xáni sési jáxeka.

Tátsekua, Jeoba prepararispti echerini paraksï animalicha ka kʼuiripuecha úni jima irekani. Ka úspti eska jurhiata tʼíntskapiringa echerirhu. Ístu, uáspti juátechani, marini ka ríuechani.

¿Ka ambe úkuarhespi tátsekua? Jeoba uandaspti: “Uáka uitsakuani, tsïtsïkichani ka anhatapuechani”. Jimbosï echeri uénapti íntspeni mámaru jásï fruta, berdura ka tsïtsïki. Jeoba ístu uáspti mámaru járhati animalichani: imani engaksï kárajka, engaksï itsïrhu jámajka ka engaksï antsikukuarhijka. Ístu kuerauaspti animali sapirhatichani, komu auanichani ka kʼératichani komueska elefantecha. ¿Tʼu náki animalini sánderu tsitisïni?

Jimajkani Jeoba arhispti primeru ánjilini: “Uákachi kʼuiripuni”. Kʼuiripuechaksï no májkuenipirindi eska animalicha, jimbokaksï úpiringa mámaru ambe úni, uandani, terekuarhini ka kómarhini Tata Diosïni. Kuidaripirindiksï echerini ka ístu animalichani. ¿Mítiskiri néspi primeru achati? Ju exeni.