¿Káni sési japirini nóteru uandontskuarhenia?

Engajtsïni nema kurhamarhiska ambe ma jimboka meru uékasïnga míteni o enga nema no újka kurhanguni ambe ma engachi jucha jorhentpijka ka uékani eskachi aianguaka, uaakachi seguiriini uandontskuarheni. Uékasïngachi uandontskuarheni imani kʼuiripuecha jingoni ‘engaksï mintsita jingoni uéjka tsípikua para méntkisï jatsini’ (Úku. 13:48).

Peru enga kʼuiripu ma ikiani jauaka o nomasi uékani juchantsïni jingoni arhirperani o no uékani juchantsïni jingoni uandontskuarheni, jiájkani jatsipiringachi para iatsitakuarhu ka janhanharhikua jingoni kéndikuni (Prov. 17:14). Engachi ísï úska, jamberi kʼuiripu uékaati máteru jurhiatikua jimbo uandontskuarheni juchantsïni jingoni (1 Ped. 2:12).