Biblia jarhuataasti mójtakuni irekua

¿ANDISÏ acheeti ma enga uánikua uarhiitichani káuenga ka enga ikiakuauenga Jeobaeri testiguechani uékapi Jeobaeri testigu úkuarhini? ¿Ambe úspi eska Iglesia Pentecostaliri pastori ma niárapiringa mójtakuni imeeri jakajkukuani? ¿Néna niáraspi uarhiiti ma xénchakuarhini enga desde enga sapiipka no sési nitamakuarhipka ka andarhierani Tata Diosïni? ¿Andisï niáraspi marhuakuni Tata Diosïni acheetini ma enga kánikua tsitienga heavy metal? Exe je mókuntskuechani.

“Iásï sánderu ambakiti acheeti máeskia” (RIGOBERT HOUETO)

UÉXURHINI ENGA ANDAJPENUKA: 1941
PAISI: BENÍN
MÁTERU AMBE: UÁNIKUA UARHIITICHANI KAASÏRENDI KA IKIAKUASÏRENDI JEOBAERI TESTIGUECHANI

NA ENGANI IREKAPKA IÓNTKI:

Andajpenuspka Cotonou, k’éri ireta ma enga Benín jaka. Sapichu uératini katoliku kʼuiriperanhaspka, peru kasi no nirasïreenga misa. Uánikuecha engaksï katolikuechepka uánikua uarhiitichanksï kásïrendi jimboka sési jarhaspka imani tiempuni uánikua uarhiitichani kaani. Asta ji niáraspka tʼámu uarhiitichani kaani.

Uéxurhini 1970 jimbo rebolusioni ma uénakuarhisti jini Benín. Jakajkuparini eska i ambe sési japiringa para juchiiti paisi, jíjtuni inchamukuspka rebolusionirhu ka inchamukuspka politikarhisï. Engaksï rebolusioniri jámani japka nóksï sési exeasïreenga Jeobaeri testiguechani jimbokaksï imeecha no inchamukusïreenga, ka jíjtuni niáraspka no sési kaani. Ima jurhiatikua jimbo engaksï petanhantapka misioneruecha engaksï Jeobaeri testiguechepka 1976 jimbo, eratsespka eskaksï nóteru méni kʼuanhatsepiringia.

NA ENGARINI BIBLIA MÓJTAKUCHEKA IREKUA:

Rebolusioni 1990 jimbo kʼamakurhispti, ka kánikuarini ísku pakataspka eskaksï Jeobaeri testiguecha misioneruecha nóksï ióndaspka kʼuanhatseni. Úndaspka eratseni eska jamberi Tata Diosï imeecha jingoni japka. Imani tiempu jimbo mójtakuspka juchiiti ánchikuarhitani. Ma juchiiti ánchikuarhitarhu anapu kompanieru Jeobaeri testiguespti ka nóreni ióndakuarhispti uandontskuarhicheni ambe enga ima jakajkuenga. Arhichiantasptireni máru Bibliarhu anapu karakatechani engaksï xarhatajka eska Tata Jeoba jindeesti Tata Diosï ma enga jurhimbitika ka uékpitini (Deuteronomio 32:4; 1 Juanu 4:⁠8). Imani kualidadichani kánikuani tsitiaspka ka jimbokani uékasïreenga sánderu míteni Jeobaeri ambe, jiókuarhispka Biblieri jorhenguarhikua ma.

No ióndaspka nirani Jeobaeri testiguecheri tánguarhikuecharhu ka kánikuarini ísku pakataspka engani exepka na engaksï xáni xénchperaenga: iáminduechanksï májkueni kaasïreendi. Engani sánderu kúnguarhienga imeecha jingoni, sánderuni sési exesïreenga eskaksï ima jindeespka sési jimbo Jesúsiri chúxapaticha (Juanu 13:35).

Kurhanguspka eska engani uékeenga marhuakuni Tata Jeobani, jatsispka parani jurajkuni Iglesia Katolikani. Kánikua úkua jukaspti ini ambe úni, jimbokani uandanhiasïreenga ambe engaksï máteruecha uandapiringa. Nájkirukani ióndapka ísï úni, Jeobaeri jarhuajperata jingoni uinhapikuarhintaspka ka jurajkuspka Iglesiani.

Útasïni jatsispka para mójtakuni ambe. Bibliarhu jorhenguarhiska eska Tata Diosï no jaiapanhentasïnga eska ma uánikua uarhiitichani jatsiauaka (Génesis 2:18-24; Mateu 19:4-6). Para Tata Jeoba primeru uarhiiti engani jingoni irekani japka, imasï jindeepti juchiiti uarhiitini, jimbosïni imani jingoni tembuchapka. Máteru uarhiiticha jingoni engani irekani japka, jatsispka para arhiani eskaksï uéntapiringa juchiniu uératini, peruni jánguarhintaspka úni eskaksï no ma ambe kueratanchapiringa. Tátsekua, tsimani uarhiiticha engaksï jíndeni jingoni irekani japka, Jeobaeri testiguksï úkuarhispti.

NÁKI KÓNTPERATECHANI INTSÏNHAASKIA:

Nájkiruka útasï juchiiti uarhiiti katolikeka, janhanharhisïndi eskani ji marhuakuaka Tata Jeobani ka tsimarhanchi májkueni eratsesïnga eska iásï sánderu ambakiti acheeti máeskia.

Ióntki eratsesïrenga eska engani politikarhu inchamukupiringa, úpiringa eskaksï kʼuiripuecha sánderu sési irekapiringa, joperu no ísï úkuarhispti. Iásï míteska eska Tata Diosïri Reinujkusï uaaka sési péntani iámindu parhakpinirhu anapu uandanhiatechani (Mateu 6:⁠9, 10). Kánikua diosmaiamukua arhisïnga Tata Jeobani engareni jorhendaka néna tsípikua jingoni irekani.

“Úkua jukanchaspka mójtakurhini” (ALEX LEMOS SILVA)

UÉXURHINI ENGA ANDAJPENUKA: 1977
PAISI: BRASIL
MÁTERU AMBE: PASTORI PENTEKOSTALI

NA ENGANI IREKAPKA IÓNTKI:

Kʼuiriperanhaspka Itu —ireta sapichu ma enga São Paulo ueakumani jaka⁠—, enga mítekateka jimboka uánikua no sési úri kʼuiripu irekaska.

Ji ísku jándikua ambe niátasïreenga ka atajpini, ka ístuni droga ambe atarantasïrenga. Peruni kuenta íntskukuarhespka eska engani seguiripiringa ísï irekani eskani kárselini nipiringa o eskani uarhipiringa, ísï jimbosïni niárapka jurajkuni iámu ambe. Jiánisïni niárapka kúnguarhini Iglesia Pentekostali jingoni, engani niárapka jindeeni pastorini.

Eratsesïrenga eskani Iglesia jimbo úpiringa jarhuatani kʼuiripuechani, jimbosïni uénapka radiu jimbo nitamatarani programa ma engani jimbo niárapka kánikua mítekateni. Joperuni sánhani arhispka kuenta íntskukuarheni eska Iglesia no uandanhiasïreenga imeecha jimbo engaksï jima tánguarhienga ka menusi para kʼéri ambe arhini Tata Diosïni. Ji exesïrenga eska ambe enga sánderu jukaparhakuepka para Iglesia jindeespti sentabu tánani. Ísï jimbosïni niárapka jurajkuni.

NA ENGARINI BIBLIA MÓJTAKUCHEKA IREKUA:

Engani uénapka jorhenguarhini Jeobaeri testiguecha jingoni Biblieri ambe, kuenta íntskukuarhespka eska imeecha ménderuenispka eska máteru relijionicha. Tsimani amberini ísku pakataspti. Orheta, eskaksï no solu uandasïnga eskaksï xénchasïnga Tata Diosïni ka kʼuiripuechani, sino xarhatasïndiksï, ka segundu eskaksï no inchamukusïnga politikarisï ka ni guerrecharisï (Isaías 2:⁠4). I tsimani ambejtsïni jakajkutaraspti eskani exentaspkia relijionini enga jurhimbitika: xanharuni enga no kórhuraka ka enga tsípikuarhu pájpijka (Mateu 7:13, 14).

Kurhanguspka eska parani jaiapanherantani Tata Diosïni jatsipiringa para uánikua ambe mójtakuni. Pori ejemplu, jatsispka parani sánderu kaxumbitini ka sánderu tiempu jarhani juchiiti familia jingoni. Úkua jukanchaspka mójtakurhini, peruni úspka ísï úni Jeobaeri jarhuajperata jingoni. Juchiiti uarhiiti —enga orheta uénapka jorhenguarhini Biblieri ambe eskani ji⁠— ísku pakaraspti imani ambe jimbo engani ji mójtakurhipka ka sánderu jánguarhintaspti mójtakurhini ka úni imani ambe enga jorhenguarhini japka. Ka sánisï tátsekua uandaspkachi eskachi niárapiringa Jeobaeri testigu úkuarhini, astachi mismu jurhiatikua itsï atakuarhispka.

NÁKI KÓNTPERATECHANI INTSÏNHAASKIA:

Juchiiti uarhiiti ka ji kánikua tsípikua jingoni jorhendasïnga juchaari tanimu uájpeechani paraksï ambakiti pájperakua ma jatsini Tata Jeobani jingoni. Sésichi irekasïnga komueska familia ma. Diosmaiamukua íntskuntasïnga Tata Diosïni engareni jorhendaka jurhimbikuani enga imeeri Karakatarhu jaka. Biblia mójtakusïndi kʼuiripuecheri irekuani, ka ji ejemplu máeska.

“Iásï limpia pʼikuarherasïngia ka pínandikua jingoni irekaxakaia” (VICTORIA TONG)

UÉXURHINI ENGA ANDAJPENUKA: 1957
PAISI: AUSTRALIA
MÁTERU AMBE: NO SÉSI NIKUSPTI ENGA SAPIPKA

NA ENGANI IREKAPKA IÓNTKI:

Ji sánderu kʼériska juchiiti siete ermanuecheri ka Newcastle (Nueva Gales del Sur) kʼuiripespka. Juchiiti taati kánikua no sési kámpisïreendi ka ístu kauini. Juchiiti naandi májkueni no sési kámpisïreendi, kánikuarini no sési arhisïreendi ka ístureni atasïreendi. Pauani pauani arhisïrendireni eska no sési jásï kʼuiripu máespka ka eska infiernu nipiringa. Inde ambe engareni arhienga úsïreendi eskani kánikua chépiringa.

Juchiiti naandi sómenirini xáni no sési atasïreendi engani jamberi no ueenga eskuela nirani. Engani 11 uéxurhini jatiripkia juramutichaksï úspti eskani nóteru juchiiti taaticha jingoni irekapiringia ka imeechajtsïni kuidarisïreendi. Tátsekuajtsïni konbenturhu ma páspti, nani enga sïpakuarhipka jiáni engani 14 uéxurhini jatiripka. Ka jimbokani no uékasïreenga kʼuanhatsentani juchiniu Kings Cross xanharuecharhu irekasïreenga (barriurhu ma enga Sydney jaka).

Engani xanharuecharisï irekani japka, uénaspka droga ambe úrani, kauini, pornografia exeni ka ísku jándikua ambe niátani. Ma jurhiani kánikua chérakuarhispka. Pakaraxapka irekani acheeti ma jingoni enga klubi ma jatsipka. Ma chúri tsimani acheetichaksï niraspti pʼorhembini. Imarini kuarturhu axaspti, joperu útasï úsïreenga kurhaani ambe engaksï uandontskuarheni japka. Imarini uékaxapti atarantani indeni acheeticha jingoni, barkurhujtsïni ma jískapirindi ka Japónijtsïni pápirini parani barirhu ma ánchikuarhini. Jimbokani kánikua chéxapka bentanarisï uéntaspka ka uirhiipaspka para jarhuajperata kurhajkuarhini.

Acheetini ma exentaspka enga iretarhu miiuni japka ka aianguspka ambe enga úkuarhinchapka, eratseparini eskarini sentabu ambe íntskupiringa. Joperureni pʼímarhispti paraka nipiringa jima enga ima pakarani japka parani jikuani ka ambe ma arhani. Ambe enga úkuarhipka jindeespti eska imani jingoni pakaraspka ka ma uéxurhini tátsekua tembuchaspkachi.

NA ENGARENI BIBLIA MÓJTAKUCHEKA IREKUA:

Engani jorhenguarhipani japka Biblieri ambe Jeobaeri testiguecha jingoni, niáraspka mámaru ambe pʼikuarherani. Ikiaspka engani mítepka eska Satanasi jindeeska enga újka eska no sési jásï ambe jauaka; méntkisïjtsïni arhispti eska Tata Diosï jindeespka enga uénga eskachi kómu nitamakuarhipiringa. Joperu ístu sési pʼikuarheraspka jorhenguarhini eska Tata Diosï no kastigariasïnga kʼuiripuechani infiernurhu, jorhenguarhikua ma engareni kánikua chérhienga desde engani sapiipka.

Ískurini pakataspka exeni na engaksï Jeobaeri testiguecha úrajka Bibliani paraksï erakuni úni ambe ma ka ísïksï irekani eskaksï na jakajkujka, úkua jukaspti jíndeni jingoni uandontskuarheni ka deakuerdu pakarani, joperu no arhiparini ambe engani uandapiringa o úni, imeechajtsïni uékperakua jingoni kámasïreendi ka janhanharhikua jingoni.

Ambe engani sánderu úkua jukanchapka jurajkuni jindeespti juchiiti no sési járhati eratsekuechani. Ísï exekuarhisïrenga eska no úsïreenga sési úni ambe ma ka no sáni xénchakuarhisïrenga. Nájkiruka itsï atakuarhipka komueska Jeobaeri testigu, útasï ióni jamberi seguirispka ísï pʼikuarherani. Ji mítespka eska xénchasïreenga Tata Diosïni, joperu ísï pʼikuarherasïreenga eska ima no méni úpiringa xénchani nemani enga ísïipiringa eskani ji.

Iámindu ambe mójtakurhispti kinse uéxurhini tátsekua desde engani itsï atakuarhipka. Arhijtsïkperatarhu ma enga nitamatarapka Kʼumanchikua Reinuerirhu Jeobaeri Testiguecharhu, erachi uandaspti ambe enga arhijka Santiagu 1:23 ka 24. I bersikuluechaksï terukutantasïndi Tata Diosïri Uandakuani espeju ma jingoni nani engachi uaaka exekuarhini ísï eskajtsïni na exejka Jeoba. Uénaspka kurhamarhikuarhini ambe engani ji exenga ménderuenisti na engareni Jeoba exejka. Uénani jámani no uékasïreenga ini ambe jakajkuni jimbokani útasï eratsesïrenga eska no jukanchaspka eskarini Jeoba xénchapiringa.

Máru jurhiatikuecha tátsekua arhintaspka tekstu ma enga mójtakupka juchiiti irekua. Jindeespti Isaías 1:18, nani enga Jeoba uandajka: “Ju je ka sésichi peentaaka ambe ma [...]. Nájkirukaksï chaari pekaduecha ísïiuaka komueska charhapiti ambe, urapintaatiksï komueska niebi”. Ísï pʼikuarheraspka enajki Jeoba jínderini arhini japi: “Vicky, jutki, jucha sési péntani ambe ma, míteska chiiti pekaduechani, míteska chiiti mintsitani ka xénchasïgakini”.

Ima chúri no úspka kʼuíni. Útasteru no jakajkusïreenga eskarini Tata Diosï xénchasïreenga, peru uénaspka Jesúsiri uarhikueri ambe eratseni. Mátirku kuenta íntskukuarhespka eska desde iónisï Jeobareni kánikua tékantskua xaratachixapka ka ístu kurhanguspka eskarini mámaru jimbo xarhatachispka imeeri xénchperakua. Ísïspti enajkini ji arhini japi: “Chiiti uékperakua no xáni kánikuesti para ji. Chiiti Uájpeeri uarhikua no andanguati parareni puáchentani juchiiti pekaduechani”. No jukaparharaxapka euajpintskuani. Joperu iásï engani uénapka eratseni ini Jeobaeri intsïmperatani, uénaspka pʼikuarherani eskarini ima xénchasïreenga.

NÁKI KÓNTPERATECHANI INTSÏNHAASKIA:

Iásï limpia pʼikuarherasïngia ka pínandikua jingoni irekaxakaia. Sésichi irekaxakaia temungurhiri, tsípini pʼikuarherasïnga eska ambe engani nitamanchapka uaaka jarhuatani máteruechani. Mándani pauani ísï pʼikuarherasïnga enajkini sánderu andarhierani jakiia Tata Jeobani.

“Jindeespti juchiiti kómarhikueri mókuntskua” (SERGEY BOTANKIN)

UÉXURHINI ENGA ANDAJPENUKA: 1974
PAISI: RUSIA
MÁTERU AMBE: KÁNIKUA TSITISÏREENDI KURHAANI HEAVY METAL

NA ENGANI IREKAPKA IÓNTKI:

Familia pobrirhu ma andajpenuspka jini Vótkinsk, jima mismu enga andajpenupka acheeti enga kánikua mítekatepka enga kústakua uénga, enga arhinheenga Piotr Ilič Chaikovski. Juchiiti taati sési járhati kualidadichani jatsiaspti, joperu kánikua kauisïrendi, jimbochisï juchiniu méntkisï kánikua uandanhiatecha jingoni irekapka.

Ji no xáni ambakiti jorhenguarhiri máespka ka sánderu tátsekua niáraspka ísï pʼikuarherani eskani ji no ma ambe úsïreenga sési úni ísï eska máteruecha. Ji kasi no nema jingoni uandontskuarhesïrenga ka kánikua úkua jukanchasïrenga eskuelarhu nirani. Pori ejemplu, engani jatsienga para ánchikuarhita ma íntspintani grupueri orhepani japarini, no úsïreenga uandantani imani ambe engani jandiajku japarini kánikua sési uénga. Engani kʼamarani jámengia sekundaria juchiiti libretarhuksï jatsikuspti: “Kasi no uandasïndi; no úsïndi uandani ambe enga eratseni jarhajka”. Ima uandakuechajtsïni kánikua no sési pʼikuastaspti, ísï pʼikuarheraspka enajkini no ma ambe uénga sési úni. Jimajkani uénaspka kurhamarhikuarhini ambe jimbosïni irekani jaki.

Engani tumbiipka uénaspka kauini. Uénani jámani sési pʼikuarherasïreenga, joperu engani sánderu kauiengia juchiiti konsiensia úndaspti no sési pʼikuarherani. No kurhangusïrenga andisïni irekani japi. Úndaspka sánderuni kómu pʼikuarherani, ka ménichanisï no uérasïreenga juchiniu máru jurhiatikuecha jimbo. Asta jamberini eratsespka uándikukuarhini.

Engani andangutapka 20 uéxurhini, exentaspka ambe ma engareni jarhuatapka no ísï pʼikuarherani: heavy metal. Pʼikuarherasïrenga eska ima kústakua úsïreendi eskani uinhapiti pʼikuarherapiringa, jimbosïni uénapka kúrhiani imeechani engaksï ini jásï kústakua kurhauenga, jurajkuspka eska juchiiti jauiri kʼépiringa, jarandiraska kutsïkuecharhu ka uénaspka ísï xukuparhani eska ima kústaticha engani ji tsitienga. Sánhani arhispka ísï niárani eska kʼuiripu ma enga no ma ambe eratseparini uénga ka atajpini ka i ambe úspti eska mémindu arhijperapiringa juchiiti familia jingoni.

Úndaxapka ménderueni eratseni. Jakajkusïreenga eskarini kústakua sési pʼikuastapiringa, joperu ménderueni úkuarhispti. Engani mítepka eskaksï kichakueni jásï ambe niátaspka máru kústaticha engani ji kánikua tsitienga kurhauani, kánikuani no sési pʼikuarheraspka.

Ménderuni uénaspka eratseni uándikukuarhini. Engani jimbo no niárapka ísï úni, jindeesti eratseni na engareni xéncheenga juchiiti naandi, ka enga xáni uánikua ambe ueenga jíndeni jimbo. Inde ambe kánikua úkua jukaspti: jimbokani no uékasïreenga irekani ka ístuni no úsïreenga uándikukuarhini.

Parani no indeni ambejku eratseni jarhani uénaspka ióni anapu libruechani Rusia anapu arhiantani. Ka ma librurhu enga sánderu uandenga jindeespti acheetiri ma enga relijioniri orhejtsïkutipka. Ka ma repentku uékaspka ambe ma úni Tata Diosïni jimbo ka kʼuiripuechani jimbo. Mintsita jingoni kómarhispka Tata Diosïni —ambe ma enga no méni úpka⁠— ka kurhakuspka eskarini jarhuatapiringa néna úni sési irekani ka engani kómarhini japka, ma repentku kánikuani sési pʼikuarherantaspka. Joperu máteru ambe engareni ísku pakataspka jindeespti ambe enga úkuarhipka tsimani ora tátsekua: Jeobaeri testigu ma kústaspti puertarhu ka aiachesptireni Biblieri jorhenguarhikua ma. Jakajkusïnga eska jindeespka juchiiti kómarhikueri mókuntskua. Ima jurhiatikua uénaspka ménderueni irekani ka tsípikua jingoni.

NA ENGARENI BIBLIA MÓJTAKUCHEKA IREKUA:

Nájkiruka kánikua úkua jukapka iámu ambe basurarhu kʼuanikuspka enga heavy metaliripka. Joperu útasï kústakua juchiiti éjpurhu pakaraspti ióni jamberi. Méntkisï engani nitamenga jimeesïsï enga xásï kústakua kurhakuarhini jarhenga, miántasïreenga no sési jásï ambe. No uékasïreenga jeuetani imani ambakiti ambe jingoni enga niárani japka juchiiti éjpurhu ka juchiiti mintsitarhu, jimbosïni nóteruni nitamengia jimeesïsï. Ístu engani uénenga miántani imani ambe engani na irekapka, mintsita jingoni kómarhisïreenga Tata Diosïni, ísïini úspka pʼikuarherani Tata “Diosïri pínandikuani enga no nema újka jánhaskani” (Filipusʌ 4:⁠7).

Juchiiti Biblieri jorhenguarhikuarhu jorhenguarhiska eskaksï kristianuecha jatsiska para aianguani máteruechani imeeri mintsikakua ambe (Mateu 28:19, 20). Ji mítetixapka eskani no méni úpiringa úni, joperu imani ambe engani jorhenguarhini japka úsïreendi eskani tsípikua jingoni irekapiringa ka pínandikua jingoni. Mítespka eskaksï máteru kʼuiripuechajtu jatsispka para jorhenguarhini jurhimbikuani. Ísï jimbo, nájkirukani chéni pʼikuarherenga jánguarhintaspka máteruechani uandontskuarhekuani ambe engani jorhenguarhini japka. I ambe jingoni úspka exeni eskani jukaparhakuespka ka juchiiti mintsitarhu pakaraspti ambe enga Biblia jorhentpijka.

NÁKI KÓNTPERATECHANI INTSÏNHAASKIA:

Iásï kánikua sési irekaxakaia temungurhiri ka úspka uánikuechani jarhuatani, komu juchiiti ermanani ka juchiiti naandini, paraksï míteani Bibliarhu anapu jurhimbikuani. Tata Diosïni marhuakuni ka jarhuatani kʼuiripuechani míteni Tata Diosïni, ústia eskani tsípikua jingoni irekaka.