Mókuntskuecha kurhamarhikuecheri

◼ ¿Kánichi úpirini nóteru íntskunia estudiu bíbliku kʼuiripuni ma?

Enga estudiu ma nóteru kʼuiripeni jauakia Jeobaeri ambe jimbo, jatsipiringachi para iatsitakuarhu arhini eskachi nóteru jorhendaakia Bibliaeri ambe (Mat. 10:11). Kurhamarhikuarhi je: ¿Méntkisï listu jarhasïni imani ora engachi pakatperaka? ¿Prepararikuarhisïni jorhenguarhikua jingoni antesi? ¿Niraskia ménisï tánguarhikuarhu ma? ¿Aianguasïni máteruechani ambe enga jorhenguarhini jaka? ¿Uáxaki mójtakukuechani imeri irekuarhu, ísï eskaksï na arhijka Bibliaeri prinsipiuecha? Ísïsti, uétarhisïndi exeni na enga xáni jatirika ka na enga xáni újka jorhenguarhini, ka eska mándani kʼuiripu no májkueni tʼarhexesïnga Jeobaeri ambe jimbo. Peru engachi eratsiaka nóteru seguirini jorhendani, uákachi arhini eskachi jucha uáka ménderu uéntani jorhendani na enga jatini ima uékaaka (1 Tim. 2:4).