Arisku sáni irekani, jarhuatasïndijtsïni kʼéri ambe arhini Tata Diosïni

Iásï, fásilisti úkua jatsikukuarhini irekuarhu. Kánikuachi tiempu úrasïnga ka uinhapikua para piáni, meiampini, úrani, kuidarini ka kuájchakuni jatsikuarhikua ambe. Jesusi arisku sáni irekaspti para jatsikuarhikua ambe no ójkutani eianhpikuarhu (Mt 8:20).

¿Ka cha? ¿Úpirintsï sánderu arisku sáni irekani parajtsï úni sánderu eianhpini? Jamberi familiarhu anapu ma úpirindi prekursorini engajtsï uáska máru arregluechani. Ka engajtsï marhuani jakaia tiempu kompletueri, ¿exesïntsï eskaksïni jatsikuarhikua ambe sánhani arhixaka ójkutani? Engajtsï arisku sáni irekaaka para marhuakuni Jeobani, sésijtsï pʼikuarheraaka ka agustu (1Ti 6:7-9).

Kara je ambejtsï uá úni parajtsï sánderu arisku sáni irekani.