KRISTIANUECHERI IREKUA

Parachi úni disipulu uáni, uétarhisïndi aianhpini ka jorhentpini

Jesusi juramukuaspti imeri chúxapatichani eskaksï nipiringa disipulu uáni (Mt 28:19). Para i ambe úni, uétarhisïndi aianhpini ka jorhentpini. Ménichanisïchi iámindu jatsiska para kurhamarhikuarhini: “¿Néna uá sánderu sési aianhpini ka jorhentpini para disipulu uáni?”.

AIANHPIKUA

Enbesi de erokuarhini eskajtsïni kʼuiripuecha andarheraaka, juchachisï jatsika para ísï úni ka jirinhantaani ambakiti kʼuiripuechani (Mt 10:11). Aianhpikuarhu, ¿aprobecharisïnchi uandontskuarhini kʼuiripuecha jingoni engaksï jimesïsï nitamani jauaka? (Uk 17:17). Lidia, Jesusiri chúxapati ma úkuarhispti jimboka Pablu jánguarhintaspka aianhpini (Uk 16:13-15).

Samueli rebista ma aiakuxati Esekielini; Solomon ka Mary Bibliaeri ambe aianguxati Esekieli ka Abigailini — “Tsípku jatsinta chíti semiiani, ka asta xatini jamberi seguirini ja ánchikuarhini” (Ec 11:6).

ENGAJTSÏ EXEAKIA BIDEUNI JU JE AMBAKITI AMBE AIANHPINI NO KUATANTAPARINI: NANI ENGACHI JAUAKA KA KʼUMANCHIKUECHARHU, MÓKUANTA JE ARINI KURHAMARHIKUECHANI:

¿Néna xarhataspi Samueli eska méntkisï jánguarhintasïrenga para tsikirani semiia jurhimbikueri?
¿Andichisï jatsi para jánguarhintani iámindu jásï forma jimbo aianhpini?
¿Néchani jingoni úpirini uandaxeni Reinueri ambe engani úni jauaka ambe ma?

JORHENTPERAKUA

Para disipulu uáni, nochi solu jatsiska para publikasionichani etsakuani. Parakaksï kʼuiripuecha marhuakuaka Jeobani, jatsiskachi para pʼorhembiantani ka estudiu íntskuani Biblia jingoni (1Ko 3:6-9). Peru ¿engachi jánguarhintani jaka jorhendani nemani jurhimbikuani ka no mójtakurhini? (Mt 13:19-22). Jatsiskachi para seguirini jarhani jirinhantaani kʼuiripuechani engaksï ambakiti mintsita jukaka (Mt 13:23; Uk 13:48).

Solomon ka Mary Bibliani estudiarixati Esekieli ka Abigaili jingoni; Esekieli ka Abigaili aianhpixatiksï — “Ji ikaraska ka Apolusi itsï jatsikusti, kʼóru Diosïni jimbosï újti ambe kʼéni” (1Ko 3:6, *TDU*).

ENGAJTSÏ EXEAKIA BIDEUNI JU JE AMBAKITI AMBE AIANHPINI NO KUATANTAPARINI: XANHARU JIMBO KA ENGACHI JORHENTPIAKA, MÓKUANTA JE ARINI KURHAMARHIKUECHANI:

¿Nénaksï kʼuiriperaspti Solomon ka Mary semiia jurhimbikuerini engaksï tsikirapka Esekieliri ka Abigailiri mintsitarhu?
¿Náki jindeua juchari meta engachi partisipariuaka iámindu jásï forma jimbo aianhpikuarhu, asta xanharu jimbo?
Paraka juchari meta seguirini jauaka jindeeni jorhentpini jurhimbikuani, ¿ambechi jatsiski para úni ménisï?