Miánta je Lotiri témbani

¿Andisï Lotiri témba tátsepani ísï eraapi enga Sodoma uéakuntani japka? Biblia no arhisïndi andi (Gé 19:17, 26). Ambe engaksï máteru bersikuluecha arhijka, xarhatasïndi eska jamberi pʼamojkuspka jurajkuni imeri jatsikuarhikua ambe (Lu 17:31, 32). ¿Ambechi jatsiski para úni parachi no tsïtani Jeobaeri jeiapanhintskua ísï eska Lotiri témba? Nochi jatsiska para orheta pérani jatsikuarhekua ambe (Mt 6:33). Jesusi jorhentpespti eskachi no uáka “marhuakuni Diosïni ka jatsikuarhikuani” (Mt 6:24). Jiájkani, ¿ambechi úpirini úni engachi kuenta íntskukuarhiska eska uékani sánderu ambe jatsikuarhini ójkutaxakajtsïni para Jeobani marhuakuni? Ju je kurhakuni Jeobani eskajtsïni jarhuataaka mójtakuni ambe enga uétarhiaka ka eskajtsïni balori íntskuaka para ísï úni.

MIÁPARIANI TANIMU PARTICHANI BIDEUERI MIÁNTA JE LOTIRI TÉMBANI, MÓKUANTA JE ARINI KURHAMARHIKUECHANI:

• 

  ¿Néna mójtakuspi Gloria imeri eratsikua, ambe enga uénga ka uandani engaksï máteruecha méntku arhini jarhenga eska sánderu tumina andapiringa?

• ¿Ambechi jorhenguarhisïni Lotiri témberi?

• ¿Bibliaeri prinsipiuechaksï néna jarhuataspi Joseni ka imeri familiani?

• ¿Nénaksï afektarispi Anani ánchikuarhitarhu anapu kompanieruecha para ima nóteru uinhapiti jarhania espiritualmenti?

• ¿Andisï balori uétarhijki para úni orhepani uérani engajtsïni máteruecha méntku arhini jauaka eska uétarhisïnga orheta pérani tumina?

• ¿Ambeksï úspi Braiani ka Gloria paraksï ménderu orheta pérani Jeobaeri ambe?

• ¿Náki Bibliaeri prinsipiuechaksï sánderu exekuarhisïni ini bideurhu?