Ju je exeni na jásïski Tata Diosï

Engachi exejka sési jásï ma tsïtsïki, jóskuechani o na enga iorhejka itsï, ¿eratsintasïnchi juchari Kuerajpirini? Kueraakata ambe úsïndi eskachi uáka exeni meru na jásïski Jeoba (Ro 1:20). Engachi arhutajka tiempu parachi eratsintani ambe engachi exejka, úsïngachi exeni na enga Tata Diosï uinhapitiika, uékpiti, mímixeti, na enga jurhimbitiika ka ístu intsïmpitiini (Sl 104:24).

¿Ambejtsï exesïni pauani pauani Jeobaeri kueraakateri ambe? Nájkirukajtsï siudadirhu ma irekaka, úsïngajtsï pájaruechani ka anhatapuechani exeani. Kueraakata ambe exeni, uátijtsïni jarhuatani parachi no xáni uandanhiani engachi problemechani jatsiauaka ka parachi sánderu mintsikani eskajtsïni Jeoba para méntkisï kuájchakuaka (Mt 6:25-32). Engajtsï kánguarhiajka sapiichani, jarhuataa je paraksï úni exeni eska no nema xáni ambarhati kualidadichani jatsiaska komueska Jeoba. Engachi sánderu agradesidu jauaka imani ambe jimbo enga Jeoba kueraaka, sánderuchi andarheraaka imani (Sl 8:3, 4).

ENGAJTSÏ EXEAKIA BIDEUNI XÁNI AMBAKITI KUERAAKATA AMBE, XARHATASÏNDI NA ENGA XÁNI KʼÉRI AMBEKA TATA DIOSÏ: TʼÍNTSKUA KA KOLORICHA, MÓKUANTAA JE ARINI KURHAMARHIKUECHANI:

• ¿Andichisï mámaru jásï kolori jimbo exejki?

• ¿Andisï ménisï ménderueni xarharajki kolori ma?

• ¿Andichisï mámaru jásï kolori jimbo exejki auandani?

• ¿Na jásï kolorichantsï exeaskia jimesïsï engajtsï irekaka?

• ¿Andichisï jatsi para arhutani tiempu parachi exeni Jeobaeri kueraakatani?