¿Ambechi uá úni imani uéxurhini jimbo enga kʼarhingua jauaka?

Jeobaeri marhuarichachi jatsiska para kʼamakʼamasï mintsinharhini Jeobani. Engachi kánikua mintsinharhiaka Jeobani, seguruchi jauaka eskajtsïni ima kuájchakuaka ka eskajtsïni kuidariuaka (Sl 23:1, 4; 78:22). Enga sánhani arhini jauaka sánderu axujku jarhani ima jurhiatikua enga kʼamajkunhaaka i parhakpini, Satanasijtsïni sánderu no sési ambe uékaati úchini (Jaŋ 12:12). ¿Ambejtsïni uá jarhuatani?

ENGAJTSÏ EXEAKIA BIDEUNI ¿AMBECHI UÁ ÚNI IMANI UÉXURHINI JIMBO ENGA KʼARHINGUA JAUAKA?, MÓKUANTA JE ARINI KURHAMARHIKUECHANI:

1. ¿Andichisï sáno májkueni eska ima anhatapu enga Jeremías 17:8 jimbo arhijka?

2. ¿Ambechi úpirini nitamani enga ísïpiringa komu jiáni enga ‘aparhekuarheni jarhajka’?

3. ¿Ambe úkuarhisïni anhatapu jingoni ka andi?

4. ¿Ambe uékasïni úni Satanasi?

5. ¿Andichisï jucha ísïi komueska kʼuiripu ma enga uánikua xanhari jatakia abionini?

6. ¿Andichisï jatsi para seguirini jarhani mintsinharhini jántspirini enga mintsinharhikueka ka janhaskatini, ka ambe úpirini úni eskachi nóteru mintsinharhipiringuia?

7. ¿Andichisï jatsi para seguirini jarhani mintsinharhini ambe enga Biblia arhijka nájkirukajtsïni kʼuiripu teresmarhuaka?