Jorhenguarhi Je Néna Sánderu Sési Aianhpeni: Aianhpi je interfoni jimbo

ANDISÏ JUKAPARHAKUE. Jimboka iásï sánderu no sési jánhaskuarhiskia, uánikua kʼuiripuechaksï teknolojia ambe úrasïndi ka jatsikuasïndiksï kamarechani o interfoni imecheri kʼumanchikuecharhu. Jamberichi uáka chéni uandontskuarhekuni nemani engachi no exeni jauaka peru imajtsïni kʼóru exeni jarhani. Ari konsejuechajtsïni jarhuataati no chéni engachi aianhpiaka kʼumanchikua ma jimbo enga kamara o interfoni jukaaka.

NÉNA ÚNI

• Ambakiti ambe eratsi je. Uánikua kʼuiripuecha engaksï kamara o interfoni ma jatsika imecheri puertarhu, uékasïndiksï juchantsïni jingoni uandontskuarheni.

• Miá je eskaksï máru kamarecha tʼuini grabarini jarhasïnguia antesi de cha kústani timbrini ka eskaksïni kʼuiripuecha exeni jarhasïnga ka kurhaani engajtsï cha na andamukuerajka puertarhu.

• Enga nema kurhakuarhiska, ísï uandontskuarheku je enajkijtsï exeni japirini kʼuiripuni ka tsípi je. Arhi je kʼuiripuni ambe engajtsï arhipiringa enga ima uérapiringa. Enga kamara ma jaka, asï xáni andarhiera je. Ka enga no nema kurhakuarhiska, asï jurajku je mensaji ma.

• Miá je eskaksïni kʼuiripuecha jamberi útasï exeni jarhasïnga o kurhaani engajtsï na kʼamarajkia imecha jingoni uandontskuarheni.