Ju je seguirini rebistechani úraani

Uéxurhini 2018 uératini, juchari rebistecha enga jindeeka para kʼuiripuni jurajkukuni májku amberi uandasïndi iámu rebistarhu. Iámindu rebistechaksï jima kuenta úkuarhisïndi imani publikasionicha jingoni engachi úrajka para jorhentpini ka uákachi úraani aianhpikuarhu. Ístuchi uáka paani rebistechani engachi niuaka piáni ambe ma o engachi máteru nani ísï niuaka. Rebistechaksï no úkata jarhasti parachi Bibliaeri jorhenguarhikua ma íntspini, joperuksï uáti úni eska nema sánderu uékaaka míteni Tata Diosïri ambe.

Engajtsï uandontskuarheni jauaka nemani jingoni, arhikunta je Bibliaeri karakata ma ka tátsekua uandontskuarheku je rebisteri ma enga kʼuiripu úpiringa tsitini. Enga kʼuiripu jatsika familia ma, o kómu pʼikuarherani jarhani o kánikua uandanhiani jarhani, uákajtsï arhini: “Nótki xáni iónisti engani íri ambe arhintaka. ¿Uáksïni exerani?”. Engajtsï exeaka eska tsitiska, uákajtsï rebista ma íntskuni o Interneti jimbo axakuni. Uákajtsï i ambe úni engajtsï primeru xanhari uénaaka uandontskuarheni kʼuiripu jingoni. Nájkiruka juchari ánchikuarhita no jindeeka etsakuani rebistechani, úsïndiksï jarhuajpini paraka kʼuiripu uékaaka sánderu ambe míteni Tata Diosïri ambe (Uk 13:48, TNM).

2019

2020