¿Uékapirintsï nirani Jorhentperakuarhu para Eianhpiricha Reinueri?

Engajtsï chá 23 a 65 jatirika, tiempu kompletujtsï marhuani jarhani, nójtsï pʼamenchani jarhani ka uékantsï nirani jima enga sánderu uétarhijka para aianhpinhani, ¿andijtsïsï no uininharhitajki solisitudi ma para Jorhentperakua para Eianhpiricha Reinueri? Desde enga uénakuarhika, uánikua temungurhiricha, uátsïcha ka tumbiicha kurhajkuarhistiksïa para úni nirani ini jorhentperakuarhu. Joperuksï sánderu tumbiicha uétarhixati. Kurhaku je Jeobani eskaksïni jarhuataaka parajtsï uékani sánderu marhuani ka parajtsï ísï úni eska Jesusi na úka (Sl 40:8; Mt 20:28; Eb 10:7). Tátsekua eratsi je nénajtsï uá nóteru xáni ánchikuarhinia oksïni familia néna uá apoiarini o nóterujtsï kantspeni jarhania parajtsï úni nirani ini jorhentperakuarhu.

¿Ambeksï xáni úskia imecha engaksï uéntakia i jorhentperakuarhu? Máruksï axanhasti jini enga máteru idioma uandanhajka o paraksï kʼéri iretecha jimbo aianhpini. Ka máteruechaksï niárasïndi ísï marhuani komu sirkuitueri jarhuajpiri ma, sirkuitueri orhejtsïkuti ma o komueska misioneru ma enga aianhpini jámajka. Engajtsï jamberi eratseska nénajtsï uá sánderu marhuakuni Jeobani, májkueni uanda je eska profeta Isaiasi: “¡Ixú jarhaska ji! ¡Jíndeni axa!” (Is 6:8).

ENGAJTSÏ EXEAKIA BIDEUNI MISIONERUECHA ENGAKSÏ AIANHPINI JÁMANI JAKA: ÁNCHIKUARHIRICHA PʼIKUNTSKUARHU, MÓKUANTA JE ARINI KURHAMARHIKUECHANI:

• 

  ¿Nénaksï erakunhasïni misioneruecha engaksï aianhpini jámajka?

• 

  ¿Ambeksï ambakiti ánchikuarhita úxati i misioneruecha?

• 

  ¿Náki kóntperatechanksï jatsiasïni misioneruecha?