Táticha, jorhendaa je chári sapiichani paraksï preparadu jarhani

Irekaxakachi parhakpini ma jimbo enga jorhentpijka eska ambakiti ambe no sési jarhaska ka eska no sési jásï ambe sési jarhaska (Is 5:20). Ka xáni no sési engaksï uánikua kʼuiripuecha imani ambe újka enga Jeoba kurhunhijka, komu nanderkueni jámani tataka mismu tataka ma jingoni o nanaka mismu nanaka ma jingoni. Eskuelarhu anapu kompanieruecha ka máteru kʼuiripuechaksï uáti úni eskaksï juchari sapiicha imani ambe uáka engaksï imecha újka. Táticha, ¿nénajtsï uá jorhendani chári sapiichani parakaksï uáka orhepani uérakuani i járhati tsʼéjkukuechani?

Jorhendaa je Jeobaeri juramukuechani (Le 18:3). Sánhani arhi je jorhendani ambe enga Biblia uandajka seksueri ambe (Dt 6:7). Kurhamarhikuarhi je: “¿Jorhendaskia juchiti sapiichani néna sési jarhaski para xarhatani xénchperakua? ¿Míteskiksï eska jukaparhakueska sési xukuparhani? ¿Kurhangusïnksï eskaksï máteruecha jatsiska para respetariuani engaksï uékaaka jandiajku jarhani? Ka ¿míteskiksï ambe úni enga nema uékapiringa exeraani pornografia ambe o arhiani eskaksï uáka ambe ma enga no sési jaka?”. Engaksï imecha tʼuini míteakia ambe úni nóksï jatsiauati uandanhiatecha (Pr 27:12; Ec 7:12). Engachi sési preparariuajka juchari sapiichani, xarhatasïngachi eskachi jukaparharasïnga intsïmperakuani engajtsïni Jeoba íntskuka (Sl 127:3).

ENGAJTSÏ EXEAKIA BIDEUNI JU JE KʼUMANCHIKUA MA ÚNI ENGA AGUANTARIUAKA. JU JE KUÁJCHAKUANI JUCHARI SAPIICHANI NO SÉSI AMBERI, MÓKUANTA JE ARINI KURHAMARHIKUECHANI:

• 

  ¿Andiksïsï máru táticha úkua jukanchajki seksueri ambe uandani imecheri sapiicha jingoni?

• 

  ¿Andiksïsï táticha jatsi para tʼarhexeraani imecheri sapiichani jurhimberantapariani ka “arhistakuapariani” Jeobaeri ambe? (Ef 6:4).

• 

  ¿Náki jarhuajperatechani íntsaaski Jeobaeri kúnguarhikua tátichani? (w19.05 páj. 12).

• ¿Andisï xáni jukaparhakue eskaksï táticha uandontskuarheaka imecheri sapiicha jingoni antede jarhani uandanhiatecha?