JU JE SÁNDERU AMBAKITI JORHENTPIRICHENI | SÁNDERU TSÍPIKUA JINGONI AIANHPI JE
Mintsitarhu niárakua je kʼuiripuechani
Kurhajchani Tata Diosïni, mintsitarhu uérasïndi (Pr 3:1). Ísï jimbo, jatsiskachi para jánguarhintani mintsitarhu niárakuani imeechani engachi jorhendaani jaka. ¿Nénachi uaa ísï úni?
Asï solu jorhenda je Bibliaeri jurhimbikua ambe jorhenguarhirini, jarhuata je exeni eska ambe enga jorhenguarhini jaka marhuakuaka ka eska uaaka sánderu sési pájperani Tata Diosï Jeobani jingoni. Jorhenda je na engaksï Bibliaeri juramukuecha xarhatajka eska Tata Diosï xénchpesïnga, sési kámpini ka eska jurhimbitiska. Uékperakua jingoni, kurhamarhikuechani úkua je paraka jorhenguarhiri eratsentaaka ambe enga jorhenguarhini jaka. Jarhuata je eratsentani na enga imeeri irekua mójtakurhiaka enga nóteru úskia ambe enga Tata Diosï Jeoba kurhunhijka. Engajtsï exeska na enga xáni xénchajka Tata Diosï Jeobani chaari jorhenguarhiri, sánderujtsï sési pʼikuarheraaka.
ENGAJTSÏ EXEAKIA BIDEUNI TSÍPIKUARHITA MÁESTI KʼUIRIPUECHANI JORHENDAANI. JU JE SÁNDERU SÉSI AIANHPINI: JU JE MINTSITARHU NIÁRAKUANI KʼUIRIPUECHANI, MÓKUANTA JE ARINI KURHAMARHIKUECHANI:
¿Andisï Rita kurhamarhipi Coralini sieka eratsentapi ambe engaksï uandontskuarhepka martesï?
¿Néna jarhuataspi Rita, Coralini paraka ima exepiringa eska Tata Diosï Jeobaeri juramukuecha xarhatasïnga eska xénchasïnga?
Engachi mintsitarhu niárakuaska jorhenguarhirichani, imeechaksï uékaati marhuakuni Tata Diosï Jeobani.
¿Néna jarhuataspi Rita, Coralini paraka xarhatakupiringa Tata Diosï Jeobani eska xénchasïnga?