¿Nénaksï uaa sánderu ambe úni pirenchicha?

Pirenchichaksï kánikua ánchikuarhisïndi Tata Diosïri Reinuni jimbo (Sl 68:11). I pirenchichaksï uánikuechani jorhendaasïndi Biblieri ambe ka uánikua engaksï prekursori regularika pirenchichestiksï. Uánikua pirenchichaksï uinhamu ánchikuarhisïndi Beteli oksï misioneraeni oksï konstruksionirhu ánchikuarhini oksï traduktoreni. Ka pirenchicha engaksï ambakiti pájperakua ma jatsika Tata Diosï Jeoba jingoni, úsïndiksï eska kánikua uinhapiti jauaka imeecheri familia ka ístu kúnguarhikuecha (Pr 14:1). Nájkirukaksï pirenchicha no újka orhejtsïkutini oksï orhejtsïkutiri jarhuajpirini, úsïndiksï máteru ambe úni. Ísï jimbo, pirenchi, ¿amberi uaa úni parari sánderu marhuakuni Jeobani?

• Ambakiti kristianu máeni (1Ti 3:11; 1Pe 3:3-6).

• Jarhuataani máteru pirenchichani engaksï no xáni ióni páni jaka marhuakuni Jeobani (Tit 2:3-5).

• Sánderu aianhpini ka sánderu sési.

• Máteru idioma jorhenguarhini.

• Mótsini nani engaksï uétarhini jaka sánderu aianhpiricha.

• Solisitudi ma úni para nirani Beteli marhuani o konstruksionirhu ánchikuarhini.

• Solisitudi ma úni para nirani Jorhentperakuarhu para Aianhpiricha Reinueri.

ENGAJTSÏ NA EXEAKIA BIDEUNI NANAKECHA ENGAKSÏ JÁNGUARHINTANI JAKA “JUCHARI TATANI MARHUAKUNI”, MÓKUNTA JE INI KURHAMARHIKUANI:

• ¿Nénaksïni uinhaperantaski i pirenchicha?