JUKAPARHAKUA AMBE BIBLIERI

Sési exe je né jingontsï uambuchaa o tembuchaa

Salomóni kánikua no sési úspti enga ísï xáni uánikua nanakecha jingoni tembuchapka engaksï diosï no jurhimbitichani kómarhiauenga (1Re 11:1, 2; w18.07 páj. 18 párr. 7).

Salomóniri témbeechaksï sánhani arhispti támu ísï pákuni imeeri mintsitani paraka no jurhimbiti diosïchani kómarhiapiringa (1Re 11:3-6; w19.01 páj. 15 párr. 6).

Tata Diosï Jeoba kánikua ikiaspti Salomónini jingoni (1Re 11:9, 10; w18.07 páj. 18 párr. 9).

Imajenicha engaksï xarhatajka pirenchini ma enga uátsïka ka enga Bibliani arhintani jaka ka enga erachini ma eratseni jaka. 1. Erachi komentarixati tánguarhikuarhu. 2. Erachi aianhpixati karritu jingoni. 3. Erachi ánchikuarhixati kʼumanchikua Reinuerirhu.

Biblia arhiasïndi kristianuechani eska engaksï tembuchaaka o uambuchani, solu imeecha jingoniuaka engaksï “jakajkutiuaka” (1Ko 7:39). Joperu jimboka nema itsï atakuarhitini jauakia no arhikuekasïndi eska ambakiti uámba máeuaka o témba máeni. Kurhamarhikuarhi je: “¿Inde kʼuiripurini jarhuataa parani iámu mintsita jingoni marhuakuni Tata Diosï Jeobani? ¿Ióni páxakiia enga xarhatani jaka eska meru xénchasïnga Tata Diosï Jeobani?”. Ante dejtsï eratsenia uambuchani o tembuchani imani kʼuiripu jingoni, jánguarhintsï je sési míteni.