KRISTIANUECHEERI IREKUA
Engajtsï uéjka jánhastiini, pauani pauani arhinta je Bibliani
Jánhaskakua enga Tata Diosï íntspijka, ísï xáni kánikua jukaparhakuesti eska tesoru ma enga jískakata jaka (Pr 2:1-6). Jánhaskakuajtsïni jarhuatasïndi ambakiti ambe úni ka kuájchakusïndijtsïni. Jimbosï Biblia uandajti eska “jánhaskakua jindees[ka] enga sánderu jukaparhakua ambeeka” (Pr 4:5-7). Parachi exentani jukaparhakua ambe enga Tata Diosïiri Karakatarhu jaka engaksï ísïika komueska tesoruecha, uétarhisïndi eskachi jánguarhintaaka. Ísï jimbo, uaakachi Bibliani arhintani ʻchúrikua ka jurhiakuaʼ, i ambe arhikuekasïndi pauani pauani arhintani Bibliani (Jos 1:8). ¿Ambe ka ambejtsïni uaa jarhuatani pauani pauani arhintani Bibliani ka parachi tsitini arhintani?
ENGAJTSÏ EXEAKIA BIDEUNI TUMBIICHA ENGAKSÏ NIÁRAKA XÉNCHANI TATA DIOSÏRI UANDAKUANI, MÓKUANTA JE ARINI KURHAMARHIKUECHANI:
¿Andiksïsï i tumbiicha úkua jukancheeni pauani pauani arhintani Bibliani? ¿Ambe jarhuataaski paraksï úni arhintani?
Melanie
Samuel
Celine
Raphaello
JUCHIITI ORARIU PARANI BIBLIANI ARHINTANI PAUANI PAUANI: