Úraa je artikuluechani engaksï ueenakuarhu jaka pájinarhu jw.org parajtsï aianhpini

Ueenakuarhu pájinarhu jw.org, jarhastiksï artikuluecha ka bideuecha engaksï úkata jaka para jarhuataani imeechani engaksï ambakiti mintsita ma jataka (Úk 13:48). Jiminksï xarharasïndi temeecha engaksï notisiecharhu uérajka ka ístu ambe enga uandanhiatajka kʼuiripuechani.

¿Nénajtsï uaa úrani ambe enga ueenakuarhu xarharajka pájinarhu jw.org para aianhpini?

• Pʼinde je exeni jarhani jimbanhi ambe juchaari pájina Internetirhu. Exea je artikuluechani engaksï jimini xarharajka ka eratsi je néna úrani aianhpikuarhu. (Parajtsï úni exeani máteru artikuluechani engaksïni uaaka marhuacheni jaiasku je jimini enga arhijka “Exeni sánderu”). ¡Ambakiti ambejtsï exentaaka engaksïni jarhuataaka para mámaru ambeeri uandontskuarheni aianhpikuarhu!

• Para ueenani uandontskuarheni, úraa je artikuluechani ka bideuecha engaksï ueenakuarhu xarharajka pájinarhu. Jimintsï uaaka exeni ambe enga kʼuiripu sánderu tsitijka o ambe enga uandanhiatajka.

• Exerpi je ueenakuarhu anapu pájina. Exeraa je kʼuiripuechani máru temeechani ka arhia je nénaksï uaa sánderu ambe jirinhantani.

• Axaku je nemani enlasi ma. Uánikua kʼuiripuechaksï no tsitisïndi juchantsïni jingoni uandontskuarheni, joperuksï uékasïndi inchani juchaari pájinarhu internetiiri. Ísï jimbo, imani kʼuiripuechani engaksï uéjka sánderu ambe míteni axakua je enlasi ma enga xarhatakuauaka ueenakuarhu anapu pájina, artikulu ma o bideu ma engachi uéjka exerani.