¿Tata Diosï kurhauasïni Kómarhikuechani?
Enga chá kómarhijka Tata Diosïni, ¿exesïntsï eskaksïni meru kurhajchasïnga?
¿AMBE UANDASÏNI BIBLIA?
Tata Diosïksïni meru kurhajchasïndi. Bibliajtsïni arhisïndi eska “Jeoba no iauani jarhas[ka] imecha jingoni engaksï kómarhijka, iámindu imecha jingoni engaksï mintsita jingoni kómarhijka [...]; kurhaasïndi engaksï uinhachaparini jarhuajperata kurhajkuarhijka” (Salmo 145:18, 19).
Tata Diosï uékasïndi eskajtsï kómarhiaka. Bibliajtsïni arhisïndi: “Asï pendienti jatsi je ni ma ambe jimbo, sino Diosïni kómarhi je, ka kurhakuntsï ambe engajtsï uétarhinchajka, diosmaiamukua arhiparini Diosïni iámindu ambe jimbo” (Filipusʌ 4:6).
Tata Diosï meru uandanhiasïndi chánksïni jimbo. Tata Diosï sési mítetini jarhasïndi engajtsï uandanhiatechani jatsiajka ka uékasïndiksïni jarhuatani. Biblia arhisïndi eskajtsï jurajkuaka “iámindu chári pendientichani imani jingoni”, jimboka ima uandanhiasïnga chánksïni jimbo (1 Pedru 5:7).