AMBECHI UAA ÚNI PARACHI NÓTERU KURHUNHPINIA
4 | Kurhaku je tata diosïni eskaksïni jarhuataaka
Biblia uandasïndi:
Ambe “enga espiritu santu úrpijka, jindeesti para uékpini, ka tsípini, ka pínandikua jatsini, ka ióni tekaantani, ka sési kámpini, ka ambakini, para [Tata] Diosïni mintsikani, ka kaxumbini, ka pʼíngukuarhini” (GALASIA 5:22, 23).
¿Ambe arhikuekasïni?
Tata Diosïjtsïni uaati jarhuatani parachi nóteru kurhunhpinia. Imeeri espiritu santujtsïni uaati jarhuatani parachi ambakiti kʼuiripu máeni, ambe ma engachi no méni uaaka jandiajku úni. Ísï jimbo, sánderu sési jarhasti eskachi kurhakuaka Tata Diosïni eskajtsïni jarhuataaka nóteru kurhunhpinia. Engachi ísï úska, ísïchi pʼikuarheraaka eska apostoli Pablu. Ima karaspti: “I uinhapikua enga xáni kʼéri ambeeka, no juchaaris[ti] sino” Tata Diosïristi (2 Korintu 4:7). Ka ísïchi uaaka ini ambe uandani: “Tata Diosï Jeoba jindeesti engareni jarhuatajka” (Salmo 121:2).
Uaakajtsï ini ambe úni:
“Antesi atajpini jámasïreenga [...]. Joperureni Tata Diosï Jeoba jarhuatasti parani nóteru ísï jámania” (WALDO).
Mintsita jingoni kurhaku je Tata Diosï Jeobani eskaksïni íntskuaka imeeri espiritu santuni ka eskaksïni jarhuataaka ambakiti kʼuiripu máeni (Lukasʌ 11:13). Engachi kurhakuska eskajtsïni jarhuataaka xénchpeni, sési pʼikuarherani, tekaantani ka pʼíngukuarhini i ambejtsïni jarhuataati parachi nóteru kurhunhpinia. Jorhenguarhi je ambe enga Biblia uandajka inde kualidadicheri ambe ka exe je nénajtsï uaa xarhataani. Ístu kánikua jukaparhakuesti eskajtsï kúnguarhiaka imeecha jingoni engaksï xarhatajka indeni kualidadichani jimbokaksïni jarhuataati parajtsï chájtu xénchpeni ka “ambakiti ambe úni” (Ebreu 10:24).