Ambe engajtsï uaaka jorhenguarhini

Nénachi uaa jirinhantaani imani temeechani engachi iásï ménderuni kurhangujkia

Kʼéri kóntperata máesti ini tiempuni jimbo irekani engajtsïni Tata Diosï Jeoba sánhani arhijka jarhuatani parachi sánderu sési kurhanguni ambe enga Biblia uandajka (Dan. 12:4). Peru jamberichi úkua jukanchajka iámindu ambe arhintani ima ambeeri engachi iásï ménderueni kurhangujkia Biblieri ambe. ¿Nanichi uaa exentani iámindu i ambe enga mójtakurhikia?

• Índice de las publicaciones Watch Tower turhisï jimbo, partirhu enga arhinhajka “Aclaración de creencias” jarhasti lista ma ima ambeeri enga mójtakurhika ka enga ordeni jimbo jaka seguni náki uéxurhini jimbo enga uéraka. Para temeecha jimbo exeni ima ambeeri enga mójtakurhika, kara je “aclaración de creencias” (komiiecha jingoni jatsiku je) jima enga jindeeka para jirinhantani ixú Watchtower Library o BIBLIOTECA EN LÍNEA Watchtower™.

• Ixú Guía de estudio para los testigos de Jehová jarhasti lista ma enga sánderu sapichueka ima ambeeri engachi iásï ménderueni kurhangujkia ka temeecha jimbo jarhasti. Parajtsï exeantani, incha je ixú enga arhijka “Los testigos de Jehová”, ka xásï ixú “Opiniones y creencias” ka tátsekua ixú “Aclaración de nuestras creencias”.

Engajtsï jorhenguarhini jauaka Biblieri ambe, ¿andijtsïsï no jorhenguarhijki ima temeeri ambe enga nótki xáni ióniika engachi ménderueni kurhangujkia? Inbestigari je na engachi kurhangujkia iásï inde temeeri ambe ka nani engaksï jupindaskuarhika Bibliarhu para indeni ambe mójtakuni.