¿Miásïntsï?
¿Arhiantaskijtsï últimu rebistechani Aianhpiri? Exe je sintsï uaa mókuantani arini kurhamarhikuechani:
¿Néna kaasïni Tata Diosï Jeoba nanakeechani?
Tata Diosï Jeoba májkueni kaasïndi nanakeechani eska tatakeechani. Kurhajchaasïndi, pendienti jarhasïndi imeecheeri problemeecha jimbo ka na engaksï pʼikuarherani jarhajka. Mintsinharhiasïndi eskaksï sési uaaka imani ánchikuarhitani enga íntsaaka (w24.01, pájina 15 ka 16).
¿Ambejtsïni jarhuataa ísï úni eska Éfesu 5:7 na arhijka: “Asï jáma je kúrhiani indeechani”?
Apostoli Pablu uandaspti eskachi no jámaaka kurhiani imeechani engajtsïni ójkutajka parachi kurhajchaani Tata Diosïiri juramukuechani. Nóchi jatsiska para imeecha jingoni jámani ni redesi sosialicharhu (w24.03, pájina 22 ka 23).
¿Ambechi no jatsiski para kurhaani?
Chkuanderakua ambe engajtsïni nema úpiringa ísku jatini axacheni korreu elektroniku jimbo. Ka ni apostatani ma enga úpiringa uandani eska uékasïnga sánderu míteni Biblieri ambe (w24.04, pájina 12).
¿Ambechi míteski ka ambe nómbe na enga jusgariuaka Tata Diosï Jeoba rei Salomónini ka imeechani engaksï Sodoma, Gomorra ka Dilubiurhu uarhika?
Nóchi míteska sini Tata Diosï Jeoba kʼamajkuaskia para méntkisï, joperu ambe engachi kʼóru míteka, jindeesti eska Tata Diosï meru sési míteaspka imani kʼuiripuechani ka eska kánikua pʼamojpitiiska (w24.05, pájina 3 ka 4).
¿Ambejtsïni jorhendasïni Deuteronomio 32:4 enga uandajka eska Tata Diosï Jeoba ísïiska komueska kʼerenda ma?
Uaakachi Tata Diosï Jeobani andarhierani parajtsïni kuájchakuni. Uaakachi mintsinharhini jimboka ima méntkisï úsïnga ambe enga aiatspejka. Ima no méni mójtakurhisïndi, ka nijtu mójtakujki ambe enga eratsetini jaka úni (w24.06, pájina 26-28).
¿Ambejtsïni jarhuataa tsípikua jingoni marhuani jimbanhi kúnguarhikuarhu ma?
Mintsikani eskajtsïni Tata Diosï májkueni jarhuataaka juchantsïni ísï eska ióntki na jarhuataapka imeeri marhuariichani. No jámani uandani eskachi sánderu sési jarhaspka máteru kúnguarhikuarhu, jánguarhintani jarhuajpeni jimbanhi kúnguarhikuarhu ka jatsiani amiguechani (w24.07, pájina 26-28).
¿Ambechi jorhenguarhisïni tanimu ejempluecha jingoni engaksï Mateu kapitulu 5 jimbo jaka?
Karichiicheeri ka chibuecheri ejemplurhu, jorhenguarhiskachi eskachi méntkisï kurhajchaaka ka no méni jurajkuni Tata Diosïni. Diesi uátsïicheeri ejemplurhu, exeskachi eska uétarhisïnga preparadu jarhani ka jingontku. Ka talentuecheeri ejemplu jingoni, exeskachi eskachi jatsiska para ánchikuarhiriini (w24.09, pájina 20-24).
¿Na xáni iótaspi templueri portali enga Salomóni úpka?
Máru ióntki anapu traduksionicharhu, 2 Crónicas 3:4 uandasïndi eska portali “120 kodu” iótaspka. Jiájkani torre máepirindi enga 53 metru (175 pies) iótapiringa. Joperu máteru traduksioniicha engaksï jurhimbitku uandantajka, arhisïndi eska 20 kodu iótaspka, ma 9 metrisï (30 pies). Jiájkani enga 20 kodu iótapka, terukuntasïndi na engaksï xáni taiapipka templueri parediicha (w24.10, pájina 31).
¿Ambe arhikuekasïni eska sierbo ministeriali ma jatsiska para “májku uarhiitini kámani”? (1 Tim. 3:12).
Ima enga tembuchatini jaka ka uékani sierbo ministerialiini, jatsistiksï “para májku uarhiitini kámani” ka no méni jatsisti para ísku jándikua ambe niátani ka nijtu ísku jatini sési arhiani jarhani máteru nanakeechani (w24.11, pájina 19).
Ambe enga Juanu 6:53 uandajka, ¿nénachi míteski eska Jesúsi no jiáni uaxastanhaspka Tateeri Senani?
Karakatarhu Juanu 6:53 jimbo, Jesúsi uandaspti eska uétarhisïnga arhani imeeri kʼuiripetani ka itsïmani imeeri iurhirini, ka ini ambe uéxurhini 32 jimbo uandaspti enga Galilea japka uánikua judiuecha jingoni engaksï nótki mintsikeenga imani. Joperu ma uéxurhini tátsekua, uaxastaspti Tateeri Senani imani kʼuiripuecha jingoni engaksï auandarhu juramupiringa imani jingoni (w24.12, pájina 10 ka 11).