Kristianuecha ka na engaksï exejka guerrani | ¿Ambe uandasïni Biblia?

Guerra enga úkuani jaka Ucrania sési xarhatasti eskaksï uánikua relijioniiri orhejtsïkutiicha arhiasïnga máteruechani eskaksï niuaka guerrarhu. Exe je na engaksï Rusia ka Ucrania anapu relijioniiri orhejtsïkuticha arhiajka máteruechani eskaksï niuaka uarhipeni:

• “Uékasïngachi sési arhiani ka diosmaiamukua arhiani imeechani engaksï nirani jaka kuájpini Ucraniani imeecheri engaksï uékajka no sési úkuni [. . .]. Méntkisïchi chánksïni jingoni jauaka, kómarhijpicheakaksïni ka nóksïni méni jurajkuaaka” (metropolitano Epifanio I de Kiev, The Jerusalem Post, 16 de marsu de 2022).

• “I domingu, relijioni ortodoxa anapu orhejtsïkuti, Rusia anapu, misa ma íntspisti para sondaduecha engaksï Rusia anapueka ka arhiasti eskaksï niuaka kuájchakuni paisini ‘ísï eskaksï na újka úni Rusia anapuecha’ ka jiánisï, Moscú útasï Ucrania jarhasti para uarhiperani imeecha jingoni” (Reuters, 3 de abrili de 2022).

¿Jatsipirinksï para nirani kristianuecha guerrarhu? ¿Ambe uandasïni Biblia?

Ambe enga Biblia uandajka

Biblia uandasïndi eska imeecha engaksï meru tata Jesukristuni chúxapajka nóksï jatsiska para nirani guerrarhu.

• “Jatsiranta chiiti espadani, jimboka iáminduecha engaksï espada jimbo atajpiaka, espada jimbo uarhiakaksï” (Mateu 26:52).

  Enga kʼuiripu ma jaiapanhintajka guerrani o tsitini nirani guerrarhu, ¿meru kurhajchaxaki ambe enga Jesúsi uandapka?

• “Ma mandamientu jimbanhi íntskuakaksïni, eskajtsï uékperaaka máteru ka máteruni jingoni. Ka eska jíksïni na uékaka chánksïni, chájtu jatsiska [para] ísï uékperani máteru ka máteruni jingoni. Ka ini jimboksï míteati iámindu kʼuiripuecha eskajtsï jindeeska juchiiti jorhenguarhitiicha engajtsï uékperaaka máteru ka máteruni jingoni” (Juanu 13:34, 35).

  Enga kʼuiripu ma apoiarijka guerrani, ¿xarhatani japirini inde jásï uékperakua enga Jesúsi uandapka eskaksï xarhatapiringa imeeri chúxapatiicha?

Engajtsï uékaaka sánderu ambe míteni, exe je jorhenguarhikuani “El cristianismo y la guerra: ¿son compatibles?”.

Iásï anapu kristianuecha ka guerrecha

¿Sési jarhaski erokuarhini eskaksï iásï anapu kristianuecha no inchamukuaka guerrarhu? Jo sési jarhasti. Biblia uandasptia eska juchaari jurhiatikuecha jimbo, enga arhijka eska jindeeska “últimu jurhiatikuecha”, japiringaksï máru kʼuiripuecha iápurisï anapuecha, engaksï no jámapiringa “guerrarisï” ínchamukuni ísï eska Jesúsi na jorhentpipka (Isaías 2:2, 4, nota).

• Parajtsï sánderu míteni, exe je jorhenguarhikuechani engaksï uéraka rebistarhu Aianhpiri “¿Qué piensa Dios de las guerras?”.

No ióni jimbo, Jeoba,a Tata “Diosï enga pínandikua íntspijka”, úraati imeeri juramukua auandani anapuni para kuájpeani kʼuiripuechani engaksï “no sési kánhani jaka ka no sésiksï úminhani” (Filipusʌ 4:9; Salmo 72:14).

• Parajtsï míteni néna uaa indeni ambe, exe je bideuni ¿Ambeski Tata Diosïri Reinu?