¿Andiksïsï Jeobaeri testiguecha iámindu kʼumanchikuecharhu nirajki?

Jesusi juramukuaspti imeri chúxapatichani eskaksï nipiringa “jorhendaani iámindu kʼuiripuechani” (Mateu 28:19, 20). Enga axaapka eianhpini, arhiaspti eskaksï jatsispka para nirani kʼuiripueri kʼumanchikuecharhu (Mateu 10:7, 11-13). Enga uarhipkia, primeru siglurhu anapu kristianuechaksï seguirispti etsakuni eianhperakuani ‘iáminduechani japarini ka kʼumanchikuecharhu’ (Ukuecha 5:42; 20:20). Iásïchi jucha májkueni úsïnga eskaksï ióntki anapu kristianuecha ka exeskachia eska pʼorhembini kʼuiripuni imecheri kʼumanchikuecharhu ambakiti ambe juásïnga.