Galaadiri Jorhentperakua iáminduechantsïni marhuachesïndi

Mándani uéxurhini uánikua erachicha engaksï tiempu kompletueri marhuani jaka interu parhakpinirhu nirasïndiksï Bibliaeri Jorhenguarhikua Galaadiri enga Watchtoweririka, enga úkuarhijka Kʼumanchikuarhu nani enga Watchtoweri Jorhentpijka jini Patterson (Nueva York).a Ini eskuela jimbo jorhenguarhirichaksï jorhenguarhisïndi néna úni sánderu sési mámaru ánchikuarhitechani Jeobaeri kúnguarhikuarhu. Ambe engaksï jorhenguarhijka jarhuatasïndi paraksï uinhaperpintani ka jarhuataani kúnguarhikuecharhu ka ístu sukursalicharhu engaksï interu parhakpinirhu jaka.

Galaadi jindeesti jorhentperakua ma enga iápurisï anapuecha nirajka. Pori ejemplu, klase 147 jimbo engaksï graduarikuarhipka 2019 jimbo, jarhasptiksï 56 jorhenguarhiricha, 29 paisiri anapuecha. Jorhenguarhiricha engaksï nirajka ini eskuela jimbo marhuasïndiksï serbisiu espesiali tiempu kompletueri, komu misioneruecha, betelitecha, prekursori espesialicha o sirkuitueri orhejtsïkuticha.

Tiempu jingonksï uénasïndi prepararini i jorhentperakua ante de uénani klasicha. Pori ejemplu, Grupu enga Biajicheri ambe exejka enga Beteli de Estados Unidos jimbo jaka, piásïndi boletuechani paraksï biajarini abioni jimbo, jorhenguarhiricha engaksï pʼímarhinhaka ini eskuela jimbo. Para klase 147 jimbo, mándani jorhenguarhiri jimbo enga máteru paisiri uératini juka, úrakuarhesti 1,075 dólari para jurhani ka para níntani. Islas Salomón anapu jorhenguarhirichaksï jatsispti para tʼámu abionichani jatani paraksï Patterson niárani ka máteru tanimu paraksï imeecho níntani, i jorhenguarhirichaksï biajarispti jukari 35,400 kilometru (22,000 millas). Imaksï boletuecha jukaparhaspti 2,300 dólari mándani kʼuiripu jimbo. Para no xáni sentabu úrakuarheni, Grupu enga Biajicheri ambe exejka úrasïndi programa ma paraksï exentani biajichani engaksï no xáni jukaparhaka. Tátsekua engaksï na piájkia boletuni, programa seguirisïndi jirinhani boletuechani engaksï no xáni jukaparhajka. I ambe úsïndi semanecha jimbo o asta mesicha jimbo. Grupu enga Biajicheri ambe exejka ístu úrasïndi kuponichani o miiechani para abioniri boletuechani piáni, engaksï máru íntspijka.

Uánikua jorhenguarhirichaksï uétarhinchasïndi bisa ma para Estados Unidos nirani. Ísï jimbo, Grupu enga Legalisiri ambe exejka jini Beteli Estados Unidos anapu, jarhuataasïndi paraksï úni bisa ma jatsini enga jindeeka para jorhenguarhiricha. Mándani kʼuiripu jimbo 510 dólari jukaparhaspti para indeni ambe úni.

¿Nénajtsïni marhuachesïni iáminduechani ambe engaksï jorhendanhajka jorhenguarhiricha? Hendra Gunawan marhuasïndi komu orhejtsïkuti kúnguarhikuarhu ma jini Sureste Asiático ka jimaksï marhuaxati temungurhiri ma engaksï uéntaka Galaadi. Imajtsïni aiangusïndi: “Antesi no jarhaspti prekursori regularicha juchaari kúnguarhikuarhu, peru enga i temungurhiri niáraka, kánikua tsípiparini jámasïreendi ka i ambe ústi eskaksï máteruecha prekursori úkuarhipiringa. Tátsekua, pirenchi ma juchaari kúnguarhikuarhu anapu, nirasti Jorhentperakua para Aianhpiricha Reinueri”.

Erachi Sergio Panjaitan marhuaxati máru erachicha jingoni engaksï uéntaka Galaadi, Beteli ma jimbo jini Sureste Asiático. Ima uandasïndi: “Jorhentperakua engaksï intsïnhapka i erachicha, niárasti jindeeni kʼéri kóntperata ma, no solu para imeecha sino ístu para jucha. Uánikua ambeksï jorhenguarhispti, peru imaksï no exesïndi eskaksï sánderu jukaparhaska eska máteruecha, sánderu sési niárasïndiksï aianguani máteruechani imani ambe engaksï jorhenguarhipka. I ambejtsïni uinhaperantasïndi ka ísï jucha uinhaperantani máteruechani”.

¿Nani uérasïni sentabu para úkuarhini i eskuela? Ima sentabu jimbo enga íntspinhajka para ánchikuarhita enga ma parhakpinirhu úkuarhijka. Uánikuaksï íntspisïndi sentabu úraparini mámaru ambe enga donate.jw.org jimbo jaka. Kánikuaksïni diosmaiamukua arhisïnga jimbokajtsï tsípikua jingoni íntspiska sentabu. Indeni sentabu jimbo úsïngachi uaani eskuelechani nani engaksï nirajka iápurisï anapuecha.