Nota

a No no sési jarhasti chéni pʼikuarherani jimbokajtsïni inde ambe kuájchakusïnga enga peligru ambe jarhajka. Joperu engachi jukari chéska, inde ambejtsïni uaati kánikua no sési úchini. ¿Andi? Jimboka Satanasi úrasïnga indeni ambe parakachi no sési erakuaka úni ambe ma. Ísï jimbo, jatsiskachi para kánikua jánguarhintani no xáni chéni. Eskachi na jorhenguarhini jauaka, ambe ma engajtsïni jarhuataaka jindeesti seguru jarhani eska Tata Diosï juchantsïni jingoni jarhaska ka eskajtsïni xénchasïnga.