¿Uaajtsïni Biblia jarhuatani orhepani uérani engachi pʼamenchakua ma kámani jauaka?

Ambe enga Biblia uandajka

Jo. Tata Diosï uandanhiasïndi imeeri marhuarichani jimbo engaksï p’amenchani jaka ka Biblia i ambe uandasïndi eska uaaka: ‘Tata Diosï Jeoba no jurajkuauati engaksï pʼamenchani jauaka’ (Salmo 41:3). Ixúksï tanimu ambe jarhasti engajtsïni uaaka jarhuatani engachi p’amenchakua ma kámaaka:

1. Kurhakuni Tata Diosïni eskajtsïni jarhuataaka parachi úni tekaantani. Tata “Diosïri pínandikua enga no nema újka jánhaskani”, jarhuataatijtsïni parachi no xáni uandanhiani jarhani ka únchi orhepani uérani nájkirukachi no sési nitamakuarhini jauaka (Filipusʌ 4:6, 7).

2. Jánguarhintani tsípini pʼikuarherani. Biblia uandasïndi: “Mintsita ma enga tsípini pʼikuarherajka ísïisti eska ambakiti medisina, peru nema enga no sési pʼikuarherani jarhajka no uinhapiti jarhasïndi” (Proverbios 17:22). Tsípini, úsïndi eskachi no kómu pʼikuarherani jauaka ka eskachi sánderu sési pʼikuarheraaka.

3. Sánderu mintsikani eska niáraaka úkuarhini ambe engajtsïni Tata Diosï aiachijka. Mintsikani ini ambe, jarhuatasïndijtsïni parachi tsípikua jingoni irekani nájkirukachi pʼamenchani jauaka (Roma 12:12). Bibliajtsïni aiachisïndi eska niáraaka jurhiatikua enga no nema uandaaka: “Pʼamenchaxaka” (Isaías 33:24). Tata Diosï kʼamajkuauati iámindu pʼamenchakuechani engaksï sientifikuecha no úni jaka kénditaani. Ístu, imeecha engaksï jatirikia, sánhani ariatiksï sapichku úkuarhintani ka nóteru pʼamenchania jimboka Biblia uandasïnga: “Eska imeeri kuerpu niáraaka sánderu sési jarhani eska jiáni enga sapichkuepka; ka ménderu uinhapini ísï eska jiáni enga tumbiipka” (Job 33:25).

Nota: Jeobaeri testiguechachi mintsikasïnga eska Tata Diosï jarhuajpesïnga, joperuchi ístu, nirasïngachi doktorini jingoni engachi pʼamenchani jarhajka (Markusʌ 2:17). Ka nóchi nemani arhisïnga ambe enga jatsika para arhani o úrani jimboka mándani kʼuiripu jatsiska para eratsekuarhini ambe úni enga p’amenchani jauaka.