KRISTIANUECHERI IREKUA

Jimbanhi ambe entre semaneri tánguarhikueri

Desde eneruni de 2018, semaneri tánguarhikuarhu, exeanchi jauaka máru notechani para estudiarini, dibujuechani ka bideuechani Bibliaeri enga jindeka para estudiarini Traducción del Nuevo Mundo de las Santas Escrituras (nwtsty) enga Internetirhu jaka, nájkiruka i Biblia nótki jauaka chári idioma jimbo. I ambejtsïni sánderu jarhuataati engachi prepararikuarhini jauaka para tánguarhikua. Ka sánderu jukaparhakua ambe jindesti eskachi sánderu andarheraaka Jeobani, juchari Tátini enga xáni uékpitika.

NOTECHA PARA ESTUDIARINI

Notechaksï para estudiarini, jukasti informasioni bersikuluecheri engaksï pʼindekuecheri ambe uandajka, nani jarhaspi lugari ma ka idiomeri ambe.

Mateu 12:20, TNM

Mecha linueri enga útasï sïraajka: Lámparecha engaksï kʼumanchikuecharhu úranhenga, echeririsptiksï ka aseite olibueriksï uiniranhantasïrendi. Ka ini aseiti jimbosï uéndi tixarani. Uandakua griegecha engaksï tradusirikuarhijka ‘mecha linueri enga útasï sïraajka’ uáti arhikuekani mechani ma enga sïraani jaka jimboka útasï jorhepiti jarhaska nájkiruka chpiri pátakuarhini jakaia o pátakuarhikia. Seguni Isaías 42:3, Jesusi pʼamojpitipirindi, ima no méni pátapirindi últimu chpirini erokuarhikueri enga kʼuiripu kaxumbiti jatsipka ka enga no sési kánhenga.

Mateu 26:13

Sési jimbo: Griegu jimbo améni, ka ísï pénhantasti jimboka ebreu jimbo améni arhikuekasïnga “eska ísï úkuarhiaka” o “seguru”. Jesusi kánikua úrasïrendi ini uandakuani para uénani uandani ambe ma, para aiatsperakua ma uandani o profesia ma. Ísï, xarhatasïrendi eskaksï imeri uandakuecha mintsinharhikuespka ka jurhimbitiini. Uandanhasïndi eska solu Jesusi ísï úraasïrenga ini uandakuechani “sési jimbo” o “améni”, jimboka Bibliarhu no naniteru ísï úrakuarhesïnga. Iámu Ebanjeliu de Juanu jimbo, Jesusi tsimandani xanhari úraasïrendi uandakuani “améni” para xarhatani eskaksï imeri uandakuecha mintsinharhikuespka ka jurhimbitiini.

DIBUJUECHA KA BIDEUECHA

Fotuecha, dibujuecha, bideuecha no sonidu jingoni ka bideuecha dibujuecha jingoni engaksï xarhatajka máru ambe enga Bibliarhu jaka.

Betfagué, Olibusïri juáta ka Jerusaleni

I bideu sapichu xarhatasïndi néna niárani Jerusaleni esterisï, jima uératini enga iásï et-Tur jakaia —uandanhasïndi eska jindeska Betfagué enga Biblia uandajka— asta sánderu iótakuarhu Olibusïiri juátarhu. Betania, Betfaguéri esterhisï jarhasti, Olibusïri juáta orienterhisï. Jesusi ka imeri chúxapatichaksï pʼindespti Betania pakarani engaksï Jerusaleni nirenga. Iásï, jima jarhastia ireta el-Ázariyeh (El Éizariya) enga árabe jimbo arhikuekajka “Nani enga Lásaru irekapka”. Jiájkani meru ísïsti eska Jesusi pakaraspka Marta, Maria ka Lásarueri kʼumanchikuarhu (Mt 21:17; Mr 11:11; Lu 21:37; Jn 11:1). Enga Jesusi imeecho uératini nirenga Jerusaleni, jamberi imani xanharu jimbo nirendi enga bideurhu xarharajka. Jurhiatikua 9 de nisani uéxurhini 33 jimbo, Jesusi Olibusïri juáta jimbo nitamaspti ka burru ma jatarini niáraspti Jerusaleni. Jamberi Betfagué uératini nípti, imani xanharu jimbo enga Jerusaleni pájpienga.

Xanharu de Betania a Betfagué
Betfagué
Olibusïri juáta
Baie Sedroni
Templueri juáta

Irhandurhakueri úni klabu ma jingoni

I fotu, kopia máesti enga únhaka irhandurhakueri úniiri, klabu ma tiámueri jingoni enga 11,5 sentimetru kʼéka (4,5 pulgadas). Orijinali, 1968 exenhantasti Jerusaleniri norterhisï jiáni enga jarhakunhani japka ka jiánisï anapuesti engaksï romanuecha irekapka. I ambe xarhatasïndi eska jamberi ióntki, para nemani uándikuni, klabuechanksï úrasïrenga para postirhu cháparhatani. Jamberiksï xarhati klabuechani úraapti Roma anapu soldaduecha para Jesusini cháparhatani. I, osariurhu ma exenhantasti, kaja ma tsakapueri nani engaksï jatsiraapka únichani kʼuiripueri ma enga na tererhekuarhipkia. I ambe xarhatasïndi eska enga nema cháparhatanhenga, úsïrenga jatsinhantani (Mt 27:35).