1. ¿Neeski Jesúsi?

Jesúsi ánjeli uinhapiti máesti enga auandarhu irekaka. Tata Diosï Jeoba imani orheta kueraasti ante de kueraani iámindu máteru ambe. Jimbosï Biblia arhijti eska ‘tʼuini jindeespkia enga nótki ambe ma kueraakateenga’ (Kolosasi 1:15). Biblia uandasïndi eska Jesúsi jindeeska ‘máechakua Uájpa’ Tata Diosïri, jimboka Tata Diosï Jeoba imantkusï jandiajku kueraaka (Juanu 3:16). Jesúsi ánchikuarhispti imeeri Taati jémba Jeoba jingoni jarhuataparini iámindu ambe kueraani (arhinta je Proverbios 8:30). Ka tsimarhanksï seguirixati ambakiti pájperakua ma jatsini. Jesúsi jindeesti “Uandakua”, i ambe arhikuekasïndi eska Tata Diosïri uandakua páriska engajtsïni aiangujka ambe enga Tata Diosï uéjka eskachi uaaka ka eskachi míteaka imeeri Taati jémbeeri ambe (Juanu 1:14).

Primeru temungurhiri enga irekapka, Adáni ka Eba, nóteruksï uékasptia kurhajchani Tata Diosïni. Jimbochisï pekadu újka, kómu nitamakuarhini ka uarhini.a Peru jarhasti ambe ma engajtsïni erokuarhikua ma íntskujka. Jeoba ústi ambe ma parajtsïni euajpintani pekadueri ka uarhikueri imeeri Uájpani jimbo, enga jindeeka tata Jesukristu. Biblia jorhentpisïndi eskajtsïni Jesúsiri uarhikua jimbo euajpentaska. Euajpintskua jindeesti maiampini para nema jurajkunhani. Ka Jesúsi maiampisti imeeri tsípikua jingoni enga perfektueka (arhinta je Mateu 20:28). Jesúsi úpirindi irekani para méntkisï ixú Echerirhu, peru ima uékaspti uarhini juchantsïni jimbo parachi úni jatsini ambe engaksï Adáni ka Eba tsïtapka. Ka ístu, ini ambe jimbo xarhataspti na engajtsïni xáni xénchajka Tata Diosï Jeoba ka ístu ima. I jorhenguarhikuaksïni jarhuataati sánderu jukaparharani Jesúsiri uarhikuani.

1. ¿Nénajtsïni marhuachesïni Jesúsiri uarhikua iásï?

Jimbokachi pekadoriska, uánikua ambechi úsïnga enga Tata Diosï Jeobani no jaiapanhintajka. Peruchi uaaka ambakiti pájperakua ma jatsini Tata Diosï jingoni engachi móantaska ka no sési pʼikuarherani juchaari pekaduecha jimbo ka engachi kurhakuska Tata Diosï Jeobani eskajtsïni puáchentaaka Jesúsini jimbo. Ka ístu, engachi jánguarhintaska nóteru no sési jásï ambe úni (1 Juanu 2:1). Biblia uandasïndi: “Jimboka Kristu ístu ma ueltajku tekaantaska pekaduechani jimbo. Ima enga nómbe pekadu jatsipka, tekaantaspti juchantsïni jimbo engachi pekadorika parajtsïni andarhiterani [Tata] Diosïni” (1 Pedru 3:18).

2. ¿Nénajtsïni marhuachea Jesúsiri uarhikua sánderu orhepani?

Tata Diosï Jeoba axaspti imeeri Uájpani para íntspini imeeri tsípikuani enga perfektueka “paraka nakinterku nema enga imani jakajkuaka [Jesúsini], no tsïncheaka sino jatsini tsípikua para méntkisï” (Juanu 3:16). Ini ambe jimbo enga Jesúsi úpka, Tata Diosï Jeoba no ióni jimbo kʼamajkuati iámindu no sési jásï ambe enga jaka, jimboka Adáni nóteru uékaspkia kurhajchani Tata Diosïni. I ambe arhikuekasïndi eska, engachi xarhataaka eskachi mintsikasïnga Jesúsiri uarhikuani, uaakachi irekani para méntkisï Echerirhu enga paraisu máeuakia (Isaías 65:21-23).

JORHENGUARHI JE SÁNDERU AMBE

3. Jesúsiri uarhikuajtsïni pʼímutantasti pekadueri ka uarhikueri

BIDEU: ¿Andisï uarhi Jesúsi? (parti 1) (2:01)

• ¿Ambe tsïtaspi Adáni enga nóteru uékapkia kurhajchani Tata Diosïni?

Arhinta je Roma 5:12 ka uandontskuarhi je íri ambe:

• ¿Nénaksïni no sési úchiski Adániri pekadu?

Arhinta je Juanu 3:16 ka uandontskuarhi je íri ambe:

• ¿Tata Diosï Jeoba andisï axapi imeeri Uájpani ixú Echerirhu?

1. Adáni, acheeti perfektu máespti ka enga nóteru uékapkia kurhajchani Tata Diosïni, úspti eskaksï iámindu kʼuiripuecha pekadu úpiringa ka uarhinksï.

2. Jesúsi perfektuespti ka jimboka kurhajchaspka Tata Diosïni, ústi eskaksï kʼuiripuecha niáraaka perfektueni ka eskaksï irekaaka para méntkisï.

4. Jesúsiri uarhikua uaati iáminduechani marhuakuani

BIDEU: ¿Andisï uarhi Jesúsi? (parti 2) (2:00)

• ¿Néna uaa máechakua kʼuiripueri uarhikua marhuakuani iámindu kʼuiripuechani?

Arhinta je 1 Timoteo 2:5, 6 ka uandontskuarhi je íri ambe:

• Adáni, acheeti máespti enga perfektuepka ka enga pekadu úpka, úspti eskaksï iámindu kʼuiripuecha pekadoripiringa ka uarhinksï. Jesúsijtu perfektuespti. ¿Ambe úspi para “maiampini iáminduechani jimbo”?

5. Euajpintskua, Tata Diosï Jeobaeri regalu máesti para chá

Tata Diosï Jeobaeri amiguechaksï ísï exesïndi euajpintskuani komueska regalu ma para imeecha. Parajtsï exeni ejemplu ma, arhinta je Galasia 2:20 ka uandontskuarhi je íri ambe:

• ¿Néna xarhataspi apostoli Pablu eska ísï exesïreenga euajpintskuani komueska regalu ma?

Enga Adáni pekadu úpka, ima ka iámindu imeeri uájpeechaksï jatsipirindi para uarhini. Peru Tata Diosï Jeoba axaspti imeeri Uájpani ixú Echerirhu para uarhini ka ísï, chá úni irekani para méntkisï.

Engajtsï arhiantani jauaka ini tekstuechani, eranhaska je na enga pʼikuarherapka Tata Diosï Jeoba enga exepka imeeri Uájpani xáni kómu nitamakuarhini jarhani. Arhinta je Juanu 19:1-7 ka 16-18, ka uandontskuarhi je íri ambe:

• ¿Nájtsï pʼikuarherasïni engajtsï eratsentajka ambe enga Tata Diosï Jeoba ka Jesúsi úka chánksïni jimbo?

AMBE ENGACHI JORHENGUARHIKA

Jesúsiri uarhikua jimbo, Tata Diosï Jeobajtsïni puáchiantasïndi pekaduechani ka ini ambe jimbochi uaaka irekani para méntkisï.

Ambejtsï jorhenguarhiski

• ¿Andisï uarhi Jesúsi?

• ¿Néna úski Jesúsiri tsípikua enga perfektuepka “maiampini iáminduechani jimbo”?

• ¿Nénaksïni marhuachesïni chánksïni Jesúsiri uarhikua?

ÍSTU EXE JE INI AMBE

Exe je andisï Jesúsiri tsípikua enga perfektuepka euajpintskua máe.

“¿Néna úski Jesúsiri uarhikua ‘uánikuechani euajpiantani’?” (Artikulu ma enga jw.org jimbo jaka)

Exe je ambe engachi jatsika para úni parachi pʼímutantskata uérani.

“¿Nénajtsïni pʼímutantasïni Jesúsi?” (Artikulu ma enga jw.org jimbo jaka)

¿Tata Diosï Jeobajtsïni puácheantasïni asta kʼérati pekaduecha?

“Kurhamarhikuecha enga Biblia mókuantajka” (Aianhpiri, 1 de maiu de 2013)

Míteni ambe enga arhikuekajka Kristueri uarhikua jarhuatasti acheetini ma para mójtakurhini. Arhinta je ambe enga nitamakuarhipka.

“Nóteruni sáni tsitisïngia atajperakua ambe” (Artikulu ma enga jw.org jimbo jaka)

1. ¿Nénachi uaa xarhatani eskachi jukaparharasïnga ambe enga Tata Diosï ka Kristu úka juchantsïni jimbo?

Bibliajtsïni aiachisïndi “né enga [Jesúsini] mintsikajka” uaati irekani para méntkisï (Juanu 3:16, TDU). ¿Nénachi xarhatasïni eskachi mintsikasïnga Jesúsini? No solu jakajkuparini imani, sino ístu imani ambe jingoni engachi újka (Santiagu 2:17). Engachi xarhatajka eskachi mintsikasïnga Jesúsini juchaari uandakuecha ka úkuecha jingoni, sánderuchi ambakiti pájperakua ma jatsisïnga Jesúsi jingoni ka ístu imeeri Taati jémba jingoni, Tata Diosï Jeoba (arhinta je Juanu 14:21).