Norti uératinksï jurhasïndi para uarhipeni

1. a) ¿Ambeksï úsïreni erachi Russell ka máteru erachicha paraksï Bibliani jorhenguarhini? b) ¿Ambeksï niáraspi jorhenguarhini imani ambe úparini?

JUKARI sieni uéxurhini ísïstia enga erachi Russell ka máru Bibliaeri jorhenguarhirichaksï, uénapka tánguarhini paraksï jánguarhintani míteni ambe enga Biblia jorhentpijka Jeobaeri ambe, Jesukristueri, uarhikueri ka pʼímutantskueri ambe. Paraksï jorhenguarhini, nema kurhamarhikua ma úsïrendi ka iáminduechaksï májku kʼéri exeasïrendi iámindu Bibliaeri anapu tekstuechani engaksï ima amberi uandenga. Ka tátsekuaksï karasïrendi ambe engaksï xáni kurhanguenga. Jeobaeri jarhuajperata jimbo, ima erachichaksï úspti míteni uánikua ambe Bibliaeri enga asta iásï jamberi kánikua jukaparhakueka para jucha.

2. ¿Andichisï ménisï úpirini támu ísï kurhanguani máru Bibliaeri anapu profesiechani?

² Peru, ima Bibliaeri jorhenguarhirichaksï sóntku kuenta íntskukuarhispti eska sánderu úkua jukaska sési kurhanguni Bibliaeri profesia ma, ka eska máteru ambe enga ístu Biblia jorhentpijka. ¿Andi? Uénani jámani, jimboka sáno méntkisï sánderu fásiliska kurhanguni Bibliaeri profesia ma jiáni enga kumplirikuarhini jaka o enga na kumplirikuarhikia. Ka ístu, parachi úni sési kurhanguni profesia ma, uétarhisïndi iámu ambe exeni. Engachi ma partijku exeaka profesieri ma, uákachi támu ísï kurhanguni. Ka i ambesï úkuarhiti Joeliri profesia ma jingoni. Ju je ménderu exeni i profesiani ka exeakachi andichisï jatsi para mójtakuni na engachi kurhanguenga.

3, 4. Iásï jamberi, ¿nénachi kurhangusïreni profesiani enga Joel 2:7-9 jimbo jaka?

³ (Arhinta je Joel 2:7-9). Joeli, profesia ma jimbo uandasti eskaksï uánikua chochuecha kʼamajkuaka ambe enga Israeliri echeri jimbo jaka. Íksï chochuecha engaksï iámu ambe arhajka, xásï kʼenchemekua ka sïnichanksï jukaasti komueska leoni ma ka iámu plantechanksï auasïndi Israeliri echeri jimbo (Joel 1:4, 6). Uánikua uéxurhinicha jimbo, kurhangusïrengachi eska i profesia Jeobaeri iretani arhikuekasïrenga engaksï ísïka komueska uánikua chochuecha engaksï no kuatantajka jimbokaksï no jurajkusïnga aianhpini. Eratsesïrengachi eska aianhpikua, no sési úkusïnga paisini o imechani engaksï no jurhimbiti relijioniri orhejtsïkutichani chúxapaajka.b

⁴ Engachi solu arhintapiringa Joel 2:7-9, ísï xarharapirindi eska i profesia indeni ambesï arhikuekajka. Peru, engachi sési arhintajka iámu profesiani, exesïngachi eskachi jatsiska para mójtakuni na engachi kurhangujka ¿Andi? Ju je exeni tʼámu ambe.

TʼÁMU AMBE ENGACHI JIMBO MÓJTAKUKA NA ENGACHI KURHANGUENGA PROFESIANI

5, 6. a) ¿Ambechi úpirini kurhamarhikuarhini engachi arhintajka Joel 2:20? b) ¿Ka ambechi úpirini kurhamarhikuarhini engachi arhintajka Joel 2:25?

⁵ Uénani jámani, ju je exeni eska Joel 2:20 jimbo, Jeoba aiatspesïnga eska iauanisï paaka imani enga norti uératini jurhani jaka [engaksï jindeka uánikua chochuecha]. Engaksï i chochuecha Jeobaeri testiguechani arhikuekapiringa, engaksï aianhpijka ka Jesusiri chúxapatichani uáni ísï eska ima na juramupka, ¿andisï Jeoba iauanisï paapirini? (Ezeq. 33:7-9; Mat. 28:19, 20). Ísïsti, míteskachi eska Tata Diosï no iauanisï paasïnga imeri ambakiti marhuarichani, sino nemani o ambe ma enga ójkutaajka imeri marhuarichani.

⁶ Tsimani úni jámani, ju je eratseni i ambe enga Jeoba uandajka ixú Joel 2:25 jimbo: “Jíksïni íntskuntaaka imani uéxurhinichani engajtsï no niáraka pʼikuntani ambe enga chochu kʼésï jukari aka, chochu no kʼésï jukari, chochu enga jirejiresï arhajka iámindu ambe ka chochu enga méntku iámu ambe arhajka, imani xáni uánikuechani engani ji axaaka paraksïni no sési úchini”. Ixú uandasïndi eska Tata Diosï aiatspesïnga íntspentani iámu ambe engaksï chochuecha xáni aka. Engaksï chochuecha arhikuekaapiringa Jeobaeri testiguechani, ¿andisï uandapirini eska no sési útspesïnga ambe engaksï imecha aianhpijka? Sánderu sési, ambe engaksï aianhpijka pʼímutantaasïndi kʼuiripuechani ka úsïndi eskaksï máru no sési úricha moantaaka (Ezeq. 33:8, 19). I ambe ambakiti ambepirindi para i járhati kʼuiripuecha.

7. ¿Nénajtsïni jarhuatasïni uandakua “tátsekua” parachi úni kurhanguni Joel 2:28, 29?

⁷ (Arhinta je Joel 2:28, 29). Tanimu úni jámani, ju je exeni na enga úkuarhipajka ambe enga arhijka i profesia. Jeoba uandasïndi: “Tátsekua, íntsauaka juchiti espiritu”, i ambe arhikuekasïndi eska íntspiaka imeri espiritu engaksï chochuecha na kʼamaraakia úni ambe engaksï jimbo axanhaka. Engaksï chochuecha imechani arhikuekaapiringa engaksï Tata Diosïri Reinueri ambe aianhpijka, ¿andisï Jeoba tátsekua íntsaapirini imeri espiritu engaksï na kʼamarapiringuia imecheri ánchikuarhitani? Enga no Tata Diosïri espiritu santueri jarhuajperata jimboepiringa, nóksï úpirindi xáni ióni aianhpini nájkirukaksï ménisï ójkutanhajka o nájkirukaksï juramuticha no méntkisï sésikua intsaajka.

8. ¿Néchanksï arhikuekaasïni ima chochuecha enga Jaŋaskuecha 9:1-11 uandaajka? (Exea je imajenichani engaksï uénakuarhu jaka).

⁸ (Arhinta je Jaŋaskuecha 9:1-11). Ju je exeni máteru ambe. Ióntkichi uandaspka eska ima xáni uánikua chochuecha enga Joeli uandaaka, arhikuekasïrenga juchari aianhpikuani jimboka Jaŋaskuecha jimbo jarhasti máteru profesia enga sáno májkuenika. Ini profesia jimbo uandasïndi uánikua chochuecheri engaksï kʼuiripuecheri kánharhikua jukaka ka éjpurhuksï jukajtsïspti kanakueni jásï ma tiripitiri (Jaŋ. 9:7). Íksï chochuecha no sési pʼikuastaasïndi “kʼuiripuechani [o Jeobaeri ikiatspitichani] engaksï nómbe jukaka Diosïri míndani tsérhukuarhu” ka ísïksï úsïndi sinku kutsï jimbo, na engamindu xáni ióni irekajka chochu ma (Jaŋ. 9:4, 5). I profesia kʼóru ísï xarharasïndi eska Jeobaeri erakukatecheri ambe uandaxaka, jimbokaksï no sáni chéparini uandantasïnga eska Jeoba kʼamajkuaka iámindu no sési jásï ambe enga parhakpinirhu úkuarhini jaka, ka i ambe kánikua no sési pʼikuastaasïndi uánikua kʼuiripuechani.

9. ¿Andiksïsï no májkueni ima chochuecha enga Juanu exeapka ka ima enga Joeli exeapka?

⁹ Ísïsti eska profesia enga Jaŋaskuecha jimbo jaka ka Joeliri, terukuntasïnga máru ambe jimbo. Peru ístu jarhasti máru ambe engaksï jimbo no májkuenika. Por ejemplu, Joeliri profesia uandasïndi eskaksï chochuecha iámu plantechani kʼamajkuaspka, peru ima chochuechani enga Juanu exeapka jánhaskakua ma jimbo, juramuminhasptiksï “eskaksï no ma ambe no sési úkupiringa uitsakuani ka ni ma ambe enga xunhapepka níjtu ma anhatapuni” (Joel 1:4, 6, 7; Jaŋ. 9:4). Imani chochuechani enga Joeli exeapka, norti uératinksï jurhaspti, peru imani enga Juanu exeapka, kʼéri posurhuksï ma uéraspti (Joel 2:20; Jaŋ. 9:2, 3). Libru de Joel jimbo, Jeoba uandasïndi eska iauanisï paauaka chochuenchani, peru Jaŋaskuecha jimbo arhisïndi eska Jeoba jurajkuasïnga paraksï kʼamarani imecheri ánchikuarhitani. No nani arhisïndi Bibliarhu eska Jeoba no jaiapanhiantasïnga imani chochuechani enga Jaŋaskuecha uandaajka (exe je rekuadruni “Profesiecha engaksï chochuecheri ambe uandajka: sánoksï májkuenisti peruksï no májkueni ambe arhikuekasïndi”).

10. ¿Náki ejemplu xarhatasïni eska Biblia ménisï úrasïnga ambe ma para mámaru ambe arhikuekani?

¹⁰ Ini ambe míteni, jarhuatasïndijtsïni kurhanguni eskaksï i tsimani profesiecha no májkueniska. I ambe arhikuekasïndi eskaksï ima chochuecha enga libru de Joel uandaajka nóksï májkueniska imani chochuecha jingoni enga Jaŋaskuecha uandaajka. I ambejtsïni no jatsisti para ísku pakatani jimboka ménisï Bibliarhu úrasïnga ambe ma para mámaru ambe arhikuekani seguni nani enga úrakuarhiaka. Por ejemplu, Jaŋaskuecha 5:5, uandasïndi eska Jesusi jindeska Leoni “tribu Judarhu anapu” ka 1 Pedru 5:8, uandasïndi eska Noambakiti ísïska komueska “leoni apejpiti” ma. Exeparini imani tʼámu ambe engachi uandakia Joeliri profesieri ambe ka ambe enga úkua jukaka para sési kurhanguni, jatsiskachi para ménderu jirinhakuntani ambe meru arhikuekasïni i profesia. Iásï, ju je exeni ambe arhikuekasïni.

¿AMBE ARHIKUEKASÏNI?

11. ¿Nénajtsïni jarhuatasïni Joel 1:6 ka 2:1, 8, 11, parachi sési kurhanguni néchani arhikuekasïni i chochuecha?

¹¹ Exepariani máteru bersikuluechani Joeliri profesia jimbo, kurhangusïngachi eska profeta, soldaduecheri ambe uandaxapka engaksï uarhipepiringa (Joel 1:6; 2:1, 8, 11). Jeoba uandaspti eska kʼéri ejersituni ma úrapiringa (Babilonia anapu soldaduechani) para kastigariuani israelitechani engaksï nóteru kurhajchenguia imani (Joel 2:25). Ístu, i profesia uandasïndi eska kʼéri ejersitu enga iretarhu inchakupiringa, norti uératini jurhasïnga, jimbokaksï Babilonia anapuecha jima uératini jupiringa paraksï Israeli inchaakuni (Joel 2:20). Ini soldaduechanksï uánikua chochuecha jingoni terukutantaasïndi engaksï sési organisadu jaka. Joeli arini ambe uandasïndi soldaduecheri: “Mándani acheeti imeri xanharu jimbo nirasïndi. [...] Iámu iretarhuksï inchakusïndi, kʼérati bardecharisïksï uiriisïndi. Karhanharhikuasïndiksï kʼumanchikuechani, bentanecharisïksï inchasïndi komueska sïpari ma” (Joel 2:8, 9). ¿Úsïnchi eranhaskani? Iápurisïksï soldaduecha jarhasti. No nema úsïndi jirikuarhini paraksï Babilonia anapu soldaduecha no uándikuani espada jimbo.

12. ¿Néna kumplirikuarhispi Joeliri profesia enga chochuecheri ambe uandajka?

¹² Babilonia anapu soldaduechaksï (o kaldeuecha) ísï inchaakuspti Jerusaleni komueska chochuecha, uéxurhini 607 jimbo ante de Jesusi. Biblia arini ambe uandasïndi ambe enga xáni úpka kaldeuecheri rei jini Jerusaleni: Espada jimbo uándikuaspti “imecheri tumbiichani [...]. No pʼamojkuaspti tumbiichani ni uátsïchani, jatirichani ni imechani engaksï no uinhapipka. Tata Diosï imeri jájki jimbo jurajkuspti iámindu ambe”. Ka ístu uandasïndi: “Kurhiraspti Tata Diosï jurhimbitiri kʼumanchikuani, xerentaspti Jerusaleni anapu kʼéri bardani, kʼérati torrechani kurhiraaspti ka kʼamajkuspti iámindu ambe enga xáni jukaparhakuepka” (2 Crón. 36:17, 19). Engaksï Babilonia anapuecha na kʼamajkupkia iámindu ambe imani echeri jimbo, imecha engaksï jimesïsï nitamenga ini ambejkuksï uandasïrendi: “No ma ambe jarhasti, no ma kʼuiripu irekasti niksï animalicha jaki ka kaldeuecheri jájki jimbo jarhasti” (Jer. 32:43).

13. ¿Ambe arhikuekasïni Jeremías 16:16, 18?

¹³ Ma dosientu uéxurhini ísï tátsekua enga Joeli ini profesiani uandapka, Jeoba úspti eska Jeremiasi sánderu ambe uandapiringa i profesieri ambe: eskaksï soldaduecha meru jámapiringa jirinhantaani israelita no sési úrichani ka iáminduechanksï jupiapirindi. Jeremías 16:16, 18 uandasïndi: “Pʼitarkuarhiauaka uánikua kurucha pʼitamatichani —ísï uandasïndi Jeoba—, ka imaksï ísï jupiauati komueska kuruchechani. Tátsekua, uánikua imechani pʼitarkuarhiauaka engaksï animalichani jupiajka, ka imaksï jirinhantauati iámindu juátecharhu ísï paraksï jupiaani asta jimesïsï engaksï kʼerendecha arhakurhika”. Ka ístu uandasïndi: “Íntsauaka ambe engaksï jukanchaka imani ambe jimbo engaksï no sési úka ka imecheri kʼamanharhintskua jimbo”. Ni marirhu ni juátarhu ísïksï úpirini jirikuarhini israelitecha engaksï no moantapiringa. Babilonia anapu soldaduechaksï exeantapirindi.

IÁMINDU AMBE SÉSI NIÁNTASÏNDI

14. ¿Na jatini úkuarhiski ambe enga Joel 2:28, 29 uandajka?

¹⁴ Ka ístu, Joeli uandasïndi ambakiti ambe: echerirhu ménderu uéntaati frutu jukani (Joel 2:23-26). Tátsekua, sánderu orhepani uánikua kʼuiripuechaksï niáraati jurhimbikua ambe míteni. Jeoba aiatspesïndi: “Íntskuaka juchiti espiritu iámindu jásï kʼuiripuni. Chári uátsïticha tatakecha ka nanakechaksï profesiechani uandauati [...]. Asta juchiti jántspirichani tatakechani ka nanakechani íntsauaka juchiti espiritu” (Joel 2:28, 29). ¿Na jatini úkuarhiski i ambe? No jiánispti engaksï israelitecha imecheri echeri jimbo kʼuanhatsentapka Babilonia uératini, sino ma seisientu uéxurhini ísï tátsekua, Pentekostesirhu uéxurhini 33 jimbo. ¿Nénachi míteski eska ísïska?

15. Eska na arhijka Ukuecha 2:16, 17, ¿ambe mójtakuspi Pedru enga úrapka karakatani Joel 2:28, ka ambe xarhatasïni inde ambe?

¹⁵ Tata Diosïri jarhuajperata jimbo, apostuli Pedru terukutantaspti Joel 2:28, 29 imani ambe jingoni enga Pentekostesirhu uéxurhini 33 jimbo úkuarhipka. Tsípa anapu nuebe ísï, Tata Diosï íntsaaspti espiritu santu kʼuiripuechani ka imechaksï uénaspti mámaru jásï idiomecha jimbo uandani “kʼéri ambe enga Diosï úka” (Uku. 2:11). Peru ¿kuentachi íntskukuarhispia eska jiáni enga Pedru uandapka Joeliri profesieri ambe, máteru jásï uandakuecha jingoni uénaspka? (Arhinta je Ukuecha 2:16, 17). Jeoba úspti eska Pedru no ísï uénapiringa ini karakatani uandakua jingoni “tátsekua”, sino eska uénapiringa uandani eska “últimu jurhiatikuechani jimbo” —ixú arhikuekaxapti Jerusaleniri ka templueri últimu jurhiatikuechani— Tata Diosï íntsaapiringa espiritu santu “iámindu kʼuiripuechani”. I ambe xarhatasïndi eska ióni nitamaspka astaka Joeliri profesia kumplirikuarhipka.

16. a) ¿Tata Diosïri espiritu santu néna jarhuataaspi aianhpikuarhu primeru siglurhu anapuechani? b) ¿Ka nénajtsïni jarhuataxaki iásï?

¹⁶ Enga Tata Diosï na íntsaapkia espiritu santu primeru siglurhu anapu kristianuechani, aianhpikua uénaspti sánderu uápurisï úkuarhini. Jiáni enga apostuli Pablu Kolosasi anapuechani karakuapka kartani, uéxurhini 61 jimbo ísï, uandaspti eska ambakiti aianhpikua “iápuru parhakpinirhu” aianhpikuarhispkia (Kol. 1:23). Enga Pablu uandapka “iápuru parhakpinirhu”, imani lugarichani arhikuekaxapti engaksï jiáni mítekuarhipka. Jeobaeri espiritu santueri jarhuajperata jimbo, iásï sánderu uápurisï aianhpinhaxatiia ka asta jimesïsï “enga sánderu iauanika parhakpinirhu” (Uku. 13:47; exe je rekuadruni “Íntsauaka juchiti espiritu”).

¿AMBE MÓJTAKURHISKI?

17. ¿Iásïchi néna kurhangusïnia Joeliri profesiani enga chochuecheri ambe uandajka?

¹⁷ Jiájkani, ¿ambe mójtakurhiski? Eskachi iásï sánderu sési kurhanguskia profesiani enga Joel 2:7-9 jimbo uandajka. Íksï bersikuluecha no juchari ambakiti aianhperakuanisï arhikuekajti, sino Babilonia anapu ejersituni enga Jerusaleni inchakupka uéxurhini 607 jimbo ante de Jesusi.

18. ¿Ambe no mójtakurhiski para Jeobaeri marhuaricha?

¹⁸ ¿Ambe no mójtakurhiski? Eskachi útasï Tata Diosïri marhuaricha iápurisï aianhpixaka ambakiti ambe ka eskachi úraxaka ambe enga xáni uétarhijka para úni juchari ánchikuarhitani (Mat. 24:14). Ambe uéjki engaksï juramuticha uáka, nójtsïni uáti ójkutani parachi aianhpini. Ka Jeobaeri jarhuajperata jingoni, sánderuchi aianhpixaka Reinueri ambe no sáni chéparini. Kaxumbikua jingonchi seguirixaka kurhajkuarhini Jeobaeri jarhuajperata parachi úni kurhanguani Bibliaeri profesiechani ka jiáni enga ima sési exeaka, mítetixakachi eskajtsïni jarhuataaka kurhanguni “iámindu ambe enga sési jimboeka [o jurhimbitkueni]” (Juanu 16:13).