Xarhatatspi je uékperakua
Andisï úkua jukajki
No uáti ma jurhiatikua jimbojku nóteru menusi újperanhania. Tiempu uétarhisïndi ka eska ma kánikua jánguarhintaaka para kénditani pʼamenchakua ma, sáno májkueni ambe uétarhisïndi parachi nóteru menusi újpinia. ¿Ambechi uá úni parachi nóteru menusi újpinia?
Bibliaeri karakata
Uékpera je, “jimboka uékperakua jindeska enga újka para májku uántani iáminduechani” (KOLOSASI 3:14).
¿Ambe arhikuekasïni? Ambakiti ambe úni máteruecha jimbo, úsïndi eska kʼuiripu májku kʼéri jauaka. Engajtsï xarhatakuaska máteruechani eskajtsï xénchaasïnga, sánderujtsï no menusi újpiaka ka nóterujtsï kurhunhpeakia.
Ambe engajtsï uáka úni
Eratsi je nénajtsï uá uékperakua xarhatakuani imani kʼuiripuechani engaksï imani grupuru jaka engajtsï cha no tsitijka. No uétarhisïndi eskachi kʼéri ambe uáka. Uákajtsï arini ambe úni:
Engachi sánhani arhiska uékperakua xarhatakuani máteruechani, méntkuchi nóteru menusi újpiakia.
Sési kámpi je, por ejemplu mítatspi je puertani o jurajku je eska máteru kʼuiripu uaxakaaka jima engajtsï cha uaxakatini jaka autobusirhu o kombirhu.
Uandontskuarhi je ambe máeri imecha jingoni, nájkirukaksï no xáni sési uandaaka chári idioma.
Tekaantskua xarhata je engaksï imani ambe úska engajtsï cha no kurhanguaka.
Jingontku kurhajchaa je ka jánguarhinta je kurhangukuani imecheri uandanhiatechani.