-
Méntkisïchi sési uandaaka“Tata Diosïri xénchperakuarhu ja je”
-
-
7, 8. Juchari uandakuecha, ¿na xánksï uá sési o no sési úkuni marhuakukuani engachi Jeobani íntskujka?
7 Máteru ambe engachi jimbo jatsika para pʼímukukuarhini jindesti jimbokachi kʼéri responsabilidadi ma jatsiska Jeobani jingoni. Ambe engachi uandajka, no solu úsïndi eska jucha sési o no sési pájperaaka nema jingoni, sino ístu úsïndi eskachi sési o no sési pájperakua ma jatsiaka Tata Diosïni jingoni. Ísï uandasïndi Santiagu 1:26: “Enga ma kʼuiripu exekuarhijka eska Diosïni janhanharhisïnga, ka no pʼímukukuarhini, jandiajku kʼarhakuarhixati, ka ískuesti enga uandajka eska janhanharhisïnga Diosïni”. Eska na uandapka máteru kapitulu, na engachi uandajka uáti sési o no sési úkuni kómarhikuani engachi íntskujka Tata Diosïni. Engachi no pʼímukukuarhipiringa ka engachi no sési pʼikuastpipiringa juchari uandakuecha jingoni o uandanchi ambe ma parachi no sési útspini, ískuepirindi juchari marhuakukua engachi Tata Diosïni íntskujka. I ambejtsïni jatsisti para kánikua eratsitarantani (Santiagu 3:8-10).
-
-
Méntkisïchi sési uandaaka“Tata Diosïri xénchperakuarhu ja je”
-
-
b Bibliarhu, uandakua “ikichakueni jásï” mámaru járhati pekaduechani arhikuekaasïndi. Nájkiruka no iámindu ikichakueni jásï ambe jimbo nema komite judisiali úminhajka, ima enga kánikua ikichakueni jásï ambe újka, ka no moantani, jatsisti para petanhantani kúnguarhikuarhu uératini (2 Korintu 12:21; Efesu 4:19; exe je tema “Preguntas de los lectores” de La Atalaya 15 de juliu 2006).
-