• ¿Na jásïiski Jeoba?
    ¡Méntkisï tsípikua jingoni ireka je! Bibliaksïni uáti jarhuatani

    • 3. ¿Néna xarhatasïni Jeoba eskajtsïni xénchasïnga?

      Jeobaeri kualidadi enga sánderu xarhatajka jindeesti uékperakua. ‘Tata Diosï jindeesti uékperakua’ (1 Juanu 4:8). Jeobajtsïni xarhatachesti uékperakua jimbokajtsïni íntskuska Bibliani ka ístu imani ambe jimbo enga kueraaka (arhinta je Ukuecha 14:17). Pori ejemplu, eratsi je na engajtsïni xáni sési úka Jeoba. Ústi eskachi uaaka exeani sési járhati kolorichani, tsípikuarhini kústakua jingoni ka áspiti tʼirekua jingoni. Jeoba uékasïndi eskachi sési irekuarhiaka.

  • Relijioni no jurhimbitichaksï no sési pakatasïndi Tata Diosïni
    ¡Méntkisï tsípikua jingoni ireka je! Bibliaksïni uáti jarhuatani

    • 2. ¿Nénaksï no sési pakatasïni Tata Diosïni imani ambe jingoni engaksï újka?

      Relijioni no jurhimbitichaksï no ísï kaasïndi kʼuiripuechani eska Tata Diosï Jeoba. Biblia arhisïndi eskaksï “imeecheri pekaduecha asta auandarhu niáraska” (Jaŋaskuecha 18:5). Desde iónisïa, relijionichaksï inchaakusïndi politikarisï, jarhuajpesïndiksï guerrecharhu ka jaiapanhintasïndiksï eska xáni uánikua kʼuiripu uándikperanhaaka. Máru relijioniri orhejtsïkutichaksï rikuesti ka sentabuksï euajpisïndi paraksï seguirini sési irekani. Indeni ambe jingoni engaksï újka, xarhatani jarhasïndiksï eskaksï no míteska Tata Diosïni. Ísï jimbo, ¿nénaksï uaa imeecha Tata Diosïri marhuarini? (Arhinta je 1 Juanu 4:8).