5. Ambe enga Jeoba uéjka eskaksï uaaka imeeri amiguecha

Sáno méntkisï uékasïngachi eskaksï juchaari amiguecha uaaka ambe ma juchantsïni jimbo.

• ¿Chá ambe erokuarhisïni eskaksï uaaka chaari amiguecha chánksïni jimbo?

Arhinta je 1 Juanu 5:3 ka uandontskuarhi je íri ambe:

• ¿Ambe uékasïni Jeoba eskaksï uaaka imeeri amiguecha?

Parachi kurhajchani Jeobani, jamberichi jatsiaka para mójtakuni máru ambe engachi újka o na engachi jásïika. Arhinta je Isaías 48:17, 18 ka uandontskuarhi je íri ambe:

• ¿Andisï Jeoba arhiajki imeeri amiguechani eskaksï mójtakurhiaka?

Engajtsï chá uéjka itsï atakuarhini, orhetajtsï jatsiska para jorhenguarhini Tata Diosï Jeobaeri ambe ka mintsikani imani (arhinta je Ebreu 11:6). Engajtsï sánderu míteaka ka sánderu mintsikani Tata Diosï Jeobani, niáraakajtsï sánderu xénchani. Ka i ambe uaati eskajtsï uékaaka aianhpini ka ísï irekani eskaksï Bibliaeri juramukuecha na uandajka (2 Timoteo 4:2; 1 Juanu 5:3). Enga kʼuiripu ma ísï irekaakia “eska na terukuntajka para k’éri ambe arhini juchaari” Tata Diosï Jeobani, jamberi uékaatia aiakukuarheni Tata Diosïni ka itsï atakuarhini (Kolosasi 1:9, 10).a

Eranhaska je eskajtsï aogarikuarini jarhasïnga ka nemaksïni pʼímantani parajtsï no uarhini. ¿Sóntkujtsï mirikurhipirini ambe enga ima kʼuiripu úka chánksïni jimbo? ¿Ojtsï úpirini ambe ma parajtsï xarhatani eskajtsï jukaparharasïnga ambe enga ima kʼuiripu úka chánksïni jimbo?

Juchachi irekaxaka Tata Diosï Jeobani jimbo. Arhinta je 1 Juanu 4:8-10 ka uandontskuarhi je íri ambe:

• ¿Andisï xáni ambakiti regalu máe enga Jesúsi uarhika juchantsïni jimbo?

• ¿Nájtsï pʼikuarherasïni eratseni imani ambe enga Tata Diosï Jeoba ka imeeri Uájpa úka chánksïni jimbo?

¿Nénachi uaa xarhatani eskachi jukaparharasïnga ambe enga Tata Diosï Jeoba ka Jesúsi úka juchantsïni jimbo? Arhinta je 2 Korintu 5:15 ka ístu 1 Juanu 4:11 ka 5:3. Engajtsï na arhiantauakia mándani bersikuluechani, uandontskuarhi je íri ambe:

• ¿Nénachi uaa xarhatani eskachi jukaparhasïnga ini ambe?

¿Exesïntsï eskajtsï sánderu xénchasïngia Tata Diosïni desde engajtsï ueenaka Bibliaeri ambe jorhenguarhini? ¿Tsitipirintsï sánderu ambakiti pájperakua ma jatsini Tata Diosï jingoni? Enga ísïika, miá je eska enga Tata Diosï exejka eskajtsï sánhani arixaka sánderu xénchani, imajtuksïni sánderu xénchaati ka kuidarini. ¿Nénajtsï uaa xarhatakuni eskajtsï xénchasïnga?

1. ¿Nénachi xarhatakusïni Tata Diosï Jeobani eskachi xénchasïnga?

Engachi újka ambe enga Tata Diosï uékajka, xarhatakusïngachi eskachi xénchasïnga (arhinta je 1 Juanu 5:3). Peru ima no afuersa úsïndi eska nema kurhajchaaka. Sánderu sési, imajtsïni jurajkusïndi parachi erakukuarhini sinchi kurhajchaa o nómbe. ¿Andi? Jimboka Tata Diosï Jeoba uékasïnga eskachi ‘mintsita jingoni janhanharhiaka’ (Roma 6:17). I ambe arhikuekasïndi eska ima uékasïnga eskajtsï chá kurhajchaaka jimbokajtsï xénchasïnga ka no afuersa. Particha 3 ka 4 i librueri, úkataksï jarhasti paraksïni jarhuatani xarhatakuni Tata Diosï Jeobani eskajtsï xénchasïnga, arhini ambe jingoni: imani ambe úparini enga ima uéjka ka no úni imani ambe enga ima no uéjka.

2. ¿Andisï úpirini úkua jukani xarhatakuni Tata Diosï Jeobani eskachi xénchasïnga?

“Uánikua ambe jimbo no sési nitamakuarhisïndi ima enga jurhimbitku jámajka” (Salmo 34:19). Iáminduechachi úkua jukanchasïnga ambakiti ambe úni jimbokachi kʼamanharintstiska. Ka ístu, jamberichi uandanhiatechani jatsiajka sentabu jimbo, jimbokachi no sési kánhasïnga ka máteru jásï uandanhiata ambe jimbo. Engachi no sési nitamakuarhini jarhajka, jamberi sánderu úkua jukajti imani ambe úni enga Tata Diosï Jeoba uékajka, jimboka sánderu fásiliska no kurhajchani Tata Diosïni. Peru engajtsï chá jánguarhintajka imani ambe úni enga Tata Diosï Jeoba uékajka, xarhatakuntsï jarhasïnga eskajtsï xénchasïnga sánderu eska ambe uéjkini. Ka ístujtsï xarhatakuni jarhasïnga eskajtsï no méni jurajkuaka ka imajtuksïni no méni jurajkuati (arhinta je Salmo 4:3).

4. Sési pʼikuasta je Tata Diosï Jeobaeri mintsitani

Arhinta je Proverbios 27:11 ka uandontskuarhi je íri ambe:

• ¿Néna pʼikuarherasïni Tata Diosï Jeoba engajtsï chá kurhajchajka ka engajtsï ambakiti ambe erakujka úni? ¿Andi?

5. Chájtsï uaaka no méni jurajkuni Tata Diosï Jeobani

BIDEU: Kuájpi je ambe engajtsï jakajkujka nájkirukajtsï no sési kánhaaka (5:09)

• ¿Úkua jukanchasïntsï uandontskuarhekuani máteruechani Tata Diosï Jeobaeri ambe?

• Eska na xarharajka bideurhu, ¿néna úspi Grayson orhepani uérani imani ambe jingoni enga chéenga?

Sánderu fásiliisti no méni jurajkuni Tata Diosï Jeobani engachi xénchajka ambe enga ima xénchajka ka engachi kurhunhijka ambe enga ima kurhunhijka. Arhinta je Salmo 97:10 ka uandontskuarhi je íri ambe:

• Miáparini ambe engajtsï chá jorhenguarhikia asta iásï jamberi, ¿nákiski máru ambe enga Tata Diosï Jeoba xénchajka ka máru ambe enga kurhunhijka?

• ¿Nénajtsï uaa niárani xénchani ambe enga sési jaka ka kurhunhini ambe enga no sési jaka?

6. Sésijtsïni nichesïndi engachi kurhajchajka Tata Diosï Jeobani

Kurhajchani Tata Diosï Jeobani méntkisï sánderu sésiisïndi. Arhinta je Isaías 48:17, 18 ka uandontskuarhi je íri ambe:

• ¿Exesïntsï eska Tata Diosï Jeoba meru míteska ambe sánderu sésiiski para jucha? ¿Andijtsïsï ísï eratsejki?

• ¿Nénaksïni jarhuataskia asta iásï jamberi Bibliaeri ambe jorhenguarhini ka sánderu sési míteni Jeobani, enga Tata Diosï jurhimbitiika?

AMBE ENGACHI JORHENGUARHIKA

Chájtsï xarhatani jarhasïnga eskajtsï xénchasïnga Tata Diosï Jeobani engajtsï kurhajchajka ka engajtsï no jurajkujka nájkirukajtsï uandanhiatechani jatsiajka.

Ambejtsï jorhenguarhiski

• ¿Ambeksïni jorhendaski Jobueri ejemplu?

• ¿Nénajtsï xarhataa eskajtsï xénchasïnga Tata Diosï Jeobani?

• ¿Ambeksïni jarhuataa parajtsï no méni jurajkuni Tata Diosï Jeobani?

ÍSTU EXE JE INI AMBE

Exe je na engajtsï uaaka méntkisï marhuakuni Tata Diosï Jeobani ka no méni jurajkuni kúnguarhikuani.

“Ima engakeni no méni jurajkuaka tʼujturi no méni jurajkuaka” (16:49)

Míti je sánderu ambe ima no sési amberi enga Satanasi uandapka.

“Jobu no méni jurajkusïndi Tata Diosïni” (Biblia ka ambe engajtsïni aiangujka, arhukukata 6)

Exe je eskaksï asta sapiicha uaaka xarhatani eskaksï xénchasïnga Tata Diosï Jeobani.

¡Sési pʼikuasta Jeobani! (8:16)

¿Nénaksï uaa tumbiicha úni imani ambe enga Tata Diosï uéjka, nájkirukaksï máteru tumbiicha uékaaka eskaksï no sési ambe uaaka?

Asï jurajkutakuarhi paraksïni máteruecha arhini ambe úni (4:00)