-
Biblia úsïndi eskachi mintsikaaka ambe ma¡Méntkisï tsípikua jingoni ireka je! Bibliaksïni uáti jarhuatani
-
-
2. Eska na uandajka Biblia ¿nénachi irekaa sánderu orhepani?
Bibliajtsïni arhisïndi eska sánderu orhepani nóteru jauakia “uarhikua, ka ni uandanhiata ka nóteru nema ueraati” (arhinta je Jaŋaskuecha 21:4). Problemecha engaksï iásï komu pʼikuastaajka kʼuiripuechani nóteruksï jauatia, kʼuiripu nóteru kómu nitamakuarhiatia ni no sési kánhani ni uarhini ka ni pʼamenchani. Bibliajtsïni aiachisïndi eska kʼuiripu sési irekaaka para méntkisï ini Echerini jimbo enga paraisu máeuakia.
-
-
¿Andisï no sési ambe úkuarhijki ka andichisï kómu nitamakuarhijki?¡Méntkisï tsípikua jingoni ireka je! Bibliaksïni uáti jarhuatani
-
-
7. Tata Diosï kʼamajkuati iámu kómu nitamakua ambe
Arhinta je Isaías 65:17 ka Jaŋaskuecha 21:3, 4, ka uandontskuarhi je íri ambe:
Tata Diosï Jeobajtsïni aiachisïndi eska kénditaaka iámindu ambe enga újka eskachi kómu nitamakuarhiaka ka eska iámindu ambe sési peentaaka. ¿Sésiksïni pʼikuastantasïni míteni ini ambe? ¿Andi?
¿Mítespijtsï ini ambe?
Enga Satanasi ueenapka chkuanderani, no sési ambe uandaxapti Tata Diosï Jeobaeri ambe. I ambe arhikuekasïndi eska no sési pakataska Tata Diosïni jimboka arhikuekaxapka eska Tata Diosï no sési juramusïnga. No ióni jimbo, enga Tata Diosï Jeoba kʼamajkuaka kómu nitamakua ambe pímbinhajkuntaati imeeri nombrini. I ambe arhikuekasïndi eska Tata Diosï xarhataaka eska ima jindeeska enga sánderu sési juramujka. Ambe ma enga sánderu jukaparhakua ambeeka, jindeesti pímbinhajkuntani Tata Diosï Jeobaeri nombrini (Mateu 6:9, 10).
-