“¡Ixú jarhaska ji! Jíndini axa”

Isaiasiri jángua, ambakiti ejemplu máesti parachi májkueni úni. Xarhataspti eska jatsispka jakajkukua ka jirejiresï niraspti nani enga uétarhini japka, nájkiruka no iámindu ambe mítipka (Isa 6:8). ¿Uájtsï cha ka chári familia mójtakuni ambe ma parajtsï marhuani nani engaksï sánderu uétarhini jaka eianhpiricha Reinueri? (Sl 110:3). Ísïsti, orheta uétarhisïndi sési eratsintani (Lu 14:27, 28). Peruchi jatsiska para úni ambe enga uétarhiaka para eianhpini ambakiti ambe (Mt 8:20; Mr 10:28-30). Ísï eska na xarharajka bideurhu Máteru nanichi mótsiska para jarhuajpeni, sánderuksï uánikuesti kóntperatecha engachi jatsiajka Jeobani marhuakuparini eska ima ambe engachi jurajkujka.

ENGAJTSÏ EXEAKIA BIDEUNI, MÓKUANTAA JE ARINI KURHAMARHIKUECHANI:

• ¿Ambe ka ambe úspi familia Williams para Ecuador marhuani?

• ¿Ambe ka ambeksï exespi engaksï erakuni jámaenga nani marhuani?

• ¿Náki kóntperatechanksï pʼiuaspi?

• ¿Nanichi uá exentani sánderu informasioni parachi mítini naniksï uétarhixaki sánderu eianhpiricha?

ENGAJTSÏ MÉNDERU JATSIAKA CHÁRI FAMILIAERI JORHENGUARHIKUA, EXE JE ARINI AMBE:

• ¿Ambechi uá úni komu familia parachi sánderu eianhpini? (km-S 8/11 páj. 4-6).

• Engachi no uáka máteru nani mótsini, ¿nénachi uá sánderu jarhuajpini kúnguarhikuarhu? (w16.03-S páj. 23-25).