Septiembrini uénani, Programa para tánguarhikua, jimbanhi presentasioni ma jukaati enga arhinhaaka “Ju je jorhentpini jurhimbikuani”. Ambe engachi uéjka úni jindesti xarhatani Bibliaeri jorhenguarhikua ma, enga nema jatsika para orheta jorhenguarhini, úraparini kurhamarhikua ka textu ma.

Engachi exeaka eska kʼuiripu uékasïnga sánderu mítini, uákachi úni ambe ma parachi pʼorhembintani jurajkuparini publikasioni ma o exeraparini bideu ma enga jw.org jaka. Jánguarhiakachi no ióndani kʼuanhatsintani parachi seguirini uandontskuarhini. Jimbanhi presentasionichaksï pʼitakata jauati librurhu ¿Ambemindusï jorhentpejki Biblia? Repasurhu mándani kapitulueri, uákachi exeantani textuechani engajtsïni jarhuataaka uáni rebisitechani ka estudiuechani Bibliantku úraparini.

Ma xanharujkusï jati enga tsípikuarhu pájpijka (Mt 7:13, 14). Jatsiskachi para jirinhakuntani néna eianguni kʼuiripuni Bibliaeri ambe paraksï tsitini kurhaani, jimbokaksï mámaru járhati jakajkukuechani jatsiasïnga ka mámaru járhati lugaricharhuksï anapueni (1Ti 2:4). Eskachi na sánhani arhini jauaka mítiani Bibliaeri temaechani ka sánderuchi sési úrani “ini uandakuani enga sési jimboeka”, sánderuchi sési pʼikuarheraaka ka sánderujtsïni sési nicheati engachi jorhendaani jauaka máteruechani (2Ti 2:15).

Interu parhakpinirhu, kʼuiripu uétarhinchasïndi eska uinhaperanhantaaka (Ec 4:1). Septiembrini, jánguarhintaakachi xáni eskachi xáni uáka para aiatspini rebistani La Atalaya númeru 5, enga uandajka uinhaperperantskueri ambe. Ju je jánguarhintani etsakuni xáni eskachi xáni uáka. Peru ambe engachi uéjka, jindesti uinhaperpentani, jimbochisï uékajka meru kʼuiripu jingoni uandontskuarhini. Ísï jimbochisï no jurajkuauaka rebistechani kʼumanchikuecharhu enga no janhaaka.

NÉNA AIATSPINI REBISTANI

“Iáminduechachi uétarhinchasïnga eskachi uinhaperanhantaaka ménisï, peru ¿nanichi uá uinhaperanhantani? [Arhinta je 2 Korintu 1:3, 4]. I rebista La Atalaya, aiangusïndijtsïni nénajtsïni uinhaperantasïni Tata Diosï”.

Enga kʼuiripu uékaaka sánderu mítini ka jiókuarhini rebistani:

EXERA JE BIDEUNI ¿ANDISÏ UÉTARHIJKI JORHENGUARHINI BIBLIAERI AMBE?

Tátsekua, aiaku je estudiu bíbliku ma.

PENDIENTI JURAJKU JE AMBE MA PARAJTSÏ ÚNI PʼORHEMBINTANI

Pendienti jurajku je kurhamarhikua ma parajtsï mókukuntani engajtsï pʼorhembintaaka, ejemplu ma: ¿Andisï jurajkujki Tata Diosï eska kómu nitamanhaaka?