Sési eksplikariuani Bibliaeri tekstuechani

Juanu 10:33-36

RESUMENI: Asï nomasi arhinta je tekstu ma ka máteru puntu jimbo nirania. Asegurarikuarhi je eskaksï kʼuiripuecha exeaka na enga terokuntajka tekstu imani puntu jingoni engajtsï uéjka jorhentpini.

NÉNA ÚNI

• Xarhata je nákiksï uandakuecha jukaparhakueski. Engajtsï arhintaakia tekstu ma, xarhataa je imani uandakuechani engaksï terokuntajka imani puntu jingoni engajtsï uéjka jorhentpini. Uákajtsï ini ambe úni, repetiripariani uandakuechani engaksï jukaparhakueka o kurhamarhikua ma úparini enga jarhuataaka kʼuiripuni mítiantaani imani uandakuechani.

• Xarhata je andisï jukaparhakua ima puntu. Engajtsï uandaaka andijtsïsï arhintaa tekstu ma, ka engajtsï ísï uákia, eksplikari je na engaksï terokuntajka ima uandakuecha engaksï jukaparhakueka tekstueri imani puntu jingoni engajtsï uandapkia.

• Eksplikasioni ma íntspi je enga fásili kurhangukuarhiaka. Asï uanda je imani ambe enga no jatanhentajka puntu jingoni. Eratsinta je na xáni informasioni uétarhisïni paraka eksplikasioni kurhangukuarhiaka, exeparini imani ambe enga kʼuiripu mítikia ka na enga xáni jukaparhakueka puntu.