JORHENGUARHIKUA 11

Tsípikua jingoni uandani

Roma 12:11

RESUMENI: Tsípikua jingoni uanda je parajtsï jarhuataani kʼuiripuechani úrani informasionini engaksï kurhauaka.

Eskaksïni orheta chári mintsitarhu niárachiaka. Engajtsï prepararikuarini jauaka, eratsinta je na enga xáni jukaparhakueka mensaji. Sési estudiari je informasionini parajtsï úni seguridadi jingoni uandani.
Kʼuiripuecha jimbo eratsinta je. Exe je na enga xáni marhuakuauaka ima ambe engajtsï arhiauaka o arhikuantani. Eratsinta je néna íntspini informasionini paraka kʼuiripu sánderu sési kurhanguaka ka jukaparharani.
Tsípikua jingoni íntspi je informasioni. Tsípikua jingoni uanda je. Xarhata je na engajtsï pʼikuarherani jaka chári kánharhikua ka ademanicha jimbo parajtsï xarhatani eskajtsï mintsita jingoni uandaxaka.

Jánguarhi je no kuatajkuni kʼuiripuni májku ademani úparini. Asegurarikuarhi je eska mándani ademani terokuntaaka imani ambe jingoni engajtsï uandaaka. Tsípikua jingoni uandaa je puntuechani engaksï sánderu jukaparhakueka o engajtsï pʼímarhiaka kʼuiripuni para úni ambe ma. Peru asï kuatajku je kʼuiripuni jukari tsípikua jingoni uandaparini iámu diskursurhu.