Ambarhati uandakuecha jingoni kʼamarani

Eclesiastés 12:13, 14

RESUMENI: Úraa je últimu uandakuechani parajtsï jarhuataani kʼuiripuechani eskaksï jiókuarhiaka ambe engaksï jorhenguarhika ka eskaksï ísï uáka.

NÉNA ÚNI

• Terokutantaa je últimu uandakuechani imani ambe jingoni enga exekuarhika. Repetiri je temani o máteru palabrecha jingoni uanda je puntuechani engaksï sánderu jukaparhakueka.

• Jarhuata je kʼuiripuni paraksï ísï úni. Exeraa je ambeksïsï uá ka andisï jukaparhakue eskaksï ísï uáka. Eskaksï chári uandakuecha xarhataaka eskajtsï jakajkusïnga ambe engajtsï uandani jaka ka eska jukaparhakueska.

• Na engajtsï kʼamaraaka eska kurhangukuarhiaka ka nójtsï ióndani. Asï imani ambe uanda je enga no exekuarhika, namunitu uandakuechani úraa je ka jarhuata je kʼuiripuni paraka uáka ambe enga jorhenguarhika.