Mintsitarhu niáratspeni

Proverbios 3:1

RESUMENI: Jarhuataa je kʼuiripuechani eskaksï jukaparharaaka ambe engaksï jorhenguarhijka ka eskaksï úraaka.

NÉNA ÚNI

• Jarhuata je kʼuiripuni paraksï eksaminarikuarhini. Kurhamarhikuechani úkua je kʼuiripuechani engaksï jarhuatauaka exekuarhini ambe engaksï pʼikuarherajka.

• Pʼímarpi je paraksï ambakiti rasoni jimbo úni ambe ma. Pʼímarhi je kʼuiripuni eratsintani ambe jimboksïsï ambakiti ambe újki. Jarhuataa je parakaksï ambakiti rasoni jimbo uáka ambe ma: jimbokaksï xénchasïnga Jeobani, kʼuiripuni ka Bibliaeri jorhenperakuechani. Jarhuataa je exeni na enga xáni ambakiti ambe arhijka Biblia, peru asï xukaa je. Engajtsï kʼamaraakia diskursuni, enbesi de kʼuiripu ísï pʼikuarherani eskaksï no ma ambe sési úsïnga, jatsistiksï para mintsita jingoni jánguarhintani ambakiti ambe úni.

• Ú je eskaksï Jeobani sánderu jukaparharaaka. Xarhata je na engajtsïni Bibliaeri jorhentperakuecha, prinsipiuecha ka juramukuecha, exeraajka Jeobaeri kualidadichani ka na engajtsïni xáni xénchajka. Jarhuata je kʼuiripuni para exeni na enga pʼikuarherajka Jeoba ka eska uékaaka tsíperani.