Ju je no jurajkuni Jeobani ni erachichani

1. Juchachi no jámaaka jurajkuni

juchari Tata Diosï Jeobani.

Juchaksïni méntkisï kurhajchaaka

uékperakua jimbo, Jeoba.

Tʼujtsïni no jámaaka jurajkuni,

kánikuajtsïni xénchasïnga.

Tʼuri jindeska juchari Kuerajpiri

ka tʼujtsïni jorhendasïnga.

2. Uánikua erachicha jarhastia,

uápurisï anapuestiksï,

ji no méni jámaaka jurajkuani.

Méntkisïchi mintsikperaaka.

Méntkisï uékperakua xarhataaka

juchiti erachicha jimbo.

Listu jauakia para jarhuatani

imani enga uétarhinchaaka.

3. Ji no méni jámaaka jurajkuni

Jeobaeri kúnguarhikuania.

Uáka ambe engarini kurhachiaka

imeri konsejuecha jingoni.

Engachi jánguarhiska marhuakuni

iámu juchari mintsita jingoni,

juchari Táti méntkisï miáuati

na engachi xáni uékajka imani.