PIREKUA 135
Jeobakini arhixati: “Mímixekua xarhata juchiti uátsï”
(Proverbios 27:11)
1. Xarhata, juchiti iju,
eskarini xénchasïnga.
Marhuacherini jíndeni
iámu chíti mintsita jingoni.
Juchiti enemigujtu
sési mítitixati
eskari tʼu para méntkisï
jíndeni jingoni jauaka.
(KORU)
Kurhajcharini, jimboetakua iju,
ka méntkisï mímixekua xarhata.
Engari úska ambe engani jí uékajka,
ji kánikua sési pʼikuarheraaka.
2. Mintsikarini jíndeni
iámu chíti mintsita jingoni.
Ji nókini jurajkuaka,
tʼunguini jingoni jauaka.
Asï jandiajku pʼikuarhera
jíkini jarhuataakia.
Ka asï méni mirikurhi
eskakini xénchasïnga.
(KORU)
Kurhajcharini, jimboetakua iju,
ka méntkisï mímixekua xarhata.
Engari úska ambe engani jí uékajka,
ji kánikua sési pʼikuarheraaka.
(Ístu exe je Deut. 6:5; Ecl. 11:9; Is. 41:13).